José Antonio Lodeiro Piñeiroa
José Antonio Lodeiro Piñeiroa, nado en Mondoñedo o 16 de marzo de 1868 e finado na Coruña o 22 de decembro de 1934, foi un músico galego, coñecido principalmente por ser o compositor do primeiro himno do Futbol Club Barcelona.
| José Antonio Lodeiro | |
|---|---|
| Nacemento | 16 de marzo de 1868 |
| Mondoñedo | |
| Falecemento | 22 de decembro de 1934 |
| A Coruña | |
| Nacionalidade | España |
| Instrumento(s) | Clarinete |
| [ editar datos en Wikidata ] | |
Traxectoria editar
Fillo de Benito Lodeiro e Filomena Piñeiroa, naceu no barrio dos Muíños de Mondoñedo. Inicialmente foi aprendiz de carpinteiro e recibiu as súas primeiras leccións de solfexo da man de Antonio Ramos na súa vila natal. Axiña pasou a formar parte como educando na banda de música de Heremenegildo Mancebo.[1]
Sendo mozo aínda marchou de Mondoñedo para ingresar no exército, ingresando no Rexemento de Murcia en Lugo, en cuxa banda non tardou en entrar, primeiramente como educando e logo de superar as probas, como músico de segunda, xa nun rexemento desprazado en Cataluña, onde posteriormente conseguiría unha praza como músico de primeira.[1]
Estudou na academia que o coruñés José María Varela Silvari abrira en Madrid, onde se prepara para ascender a director de banda,[2] posto que acadaría por oposición.[1]
Notas editar
- ↑ 1,0 1,1 1,2 "D. José Lodeiro Piñeiroa, en su última voluntad, pone de manifiesto el acendrado amor a su pueblo natal". Villabria (en castelán) (255). 6 de xaneiro de 1935. Consultado o 25 de outubro de 2022.
- ↑ de Cora, José (4 de abril de 2019). "José Antonio Lodeiro Piñeiroa". El Progreso (en castelán). Consultado o 25 de outubro de 2022.