Joaquina Muñoz Domínguez

pianista galega

Joaquina Muñoz Domínguez, nada en Tarancón en 1828[1] e finada en Madrid o 28 de maio de 1864[2][3], tamén coñecida como Joaquina Muñoz de Fontán, foi unha aristócrata e pianista.

Joaquina Muñoz Domínguez
Nacemento1832
Lugar de nacementoTarancón
Falecemento28 de maio de 1864
Lugar de falecementoMadrid
Soterradacamposanto de San Isidro
Ocupaciónpianista
editar datos en Wikidata ]

TraxectoriaEditar

Era filla de José Antonio Muñoz e Josefa Domínguez, II condes de Retamoso e ambos naturais de Tarancón. Sobrina do duque de Riánsares e da SM a raíña e dos marqueses de Remisa. Neta do primeiro conde de Retamoso Juan Antonio Muñoz e Funes, Carrillo de Torres e de Burgh/ Burgo e descendente de familias da nobreza española como os Messía de Figueroa, os Gasco, os de Frías os de Lara, de familias da nobreza italiana como os Passalacqua, os Monaco di Cosenza, os Carafa e os Caracciolo e de familias da nobreza irlandesa como os de Burgh (condes de Clanricarde), os FitzGerald (condes de Kildare), os O'Brien (condes de Thomond) e os Butler (condes de Ormond).

No eido musical, foi discípula de Juan María Güelbenzu. Segundo Baltasar Saldoni, que asistiu a varios concertos nos que tocaba a Muñoz, normalmente organizados polos condes de Retamoso na súa casa -ao que asistía boa parte da aristocracia- foi unha das pianistas máis destacados da época,[2] a pesar de non dedicarse a el profesionalmente, gozaba dunha grande habilidade e expresividade en todos os xéneros que tocaba.[3] Após a súa morte Guelbenzu dedicoulle a obra "La velada del recluta". Fundou con Barbieri a Sociedad de Cuartetos.

A nivel persoal, rexeitou o matrimonio co primoxénito do marqués de Acapulco, Mariano de Prado e Messía de la Cerda e casou co escritor e bibliotecario Joaquín Fontán Rodríguez Marcó del Pont Domènech (1825-1864),[2] con quen tivo seis fillos: Fernando, Cristina, Matilde, María Dolores, José e Milagros, vizcondesa de San Javier.[1]

NotasEditar

  1. 1,0 1,1 Fernández García, Matías (2004). Parroquías madrileñas de San Martín y San Pedro el Real (en castelán). Madrid: Caparrós Editores. p. 132. 
  2. 2,0 2,1 2,2 Ballesteros Robles, Luis (1912). Diccionario biográfico matritense (en castelán). Madrid: Concello de Madrid. p. 470. 
  3. 3,0 3,1 Saldoni, Baltasar (1880). Diccionario biográfico-bibliográfico de efemérides de músicos españoles (en castelán). Madrid: Imprenta de A. Pérez Dubrull. p. 470.