James Chance and the Contortions
James Chance and the Contortions foi unha banda liderada polo saxofonista e vocalista James Chance e tratouse nun dos grupos de punk jazz orixinais da escena No Wave de Nova York. A súa primeira gravación, acreditada só co nome de Contortions, foi para o recompilatorio de 1978 No New York, producido por Brian Eno. O ano seguinte foron publicados dous álbums case simultaneamente a través do selo ZE Records: Buy e Off White baixo o alcume de James White and the Blacks. os dous disos foron gravados polos mesmos músicos, aínda que ningún deles foi acreditado no libreto dos traballos.
| James Chance and the Contortions | |
|---|---|
 | |
| Orixe | Estados Unidos,  |
| Xénero(s) | No Wave |
| Selo(s) discográfico(s) | ZE Records |
| Membros | James Chance Pat Place Georges Scott Jody Harris Adele Bertei Joseph Bowie Don Christensen |
| Artistas relacionados | James White and the Blacks |
| Na rede | |
     | |
O guitarrista orixinal de The Contortions, Pat Place, acabaría fundando Bush Tetras. Georges Scott tocou con Lydia Lunch e Michael Paumgarten en 8-Eyed Spy. Pouco despois, o guitarrista Jody Harris formou Raybeats con Don Christensen, George Scott III e Pat Irwin. A teclista Adele Bertei formou The Bloods, e despois diso editou un álbum en solitario, Little Lives, en 1988. En 1979 George Scott xirou con John Cale, como documenta o álbum Sabotage Live. Algúns dos membros de James White and the Blacks, entre os que destacaba Joseph Bowie, posteriormente separaríanse de Chance e formaron a banda Defunkt.
O 30 de novembro do 2010 James Chance, Pat Place, Don Christensen, Jody Harris, Adele Bertei e Robert Aaron reuníronse para realizar unha única actuación no Le Poisson Rouge. Robert Aaron non era un dos membros orixinais, pero colaboraba frecuentemente con Chance.
Discografía editar
- No New York - 1978
- Buy - 1979
- Paris 1980 Live Aux Bains Douches - 1980
- Live in New York - 1981
- Soul Exorcism - 1991
- Lost Chance - 1995
- White Cannibal - 2000