Israeli Public Broadcasting Corporation
A Israeli Public Broadcasting Corporation[1] (IPBC; hebreo: תאגיד השידור הישראלי, transliterado como: Ta'agid HaShidur HaYisra'eli, en galego: Corporación de Radiodifusión Israelí), co nome comercial Kan (hebreo: כאן "Aquí"), é unha corporación pública estatutaria fundada no 2014, baseada na Lei de Radiodifusión Pública dese ano. Foi creada coa intención de substituír a histórica Israel Broadcasting Authority (IBA) despois de que a nova lei decretase o seu peche. A data de lanzamento foi aprazada en varias ocasións, debido ás obxeccións do Primeiro Ministro á súa estrutura e nomeamentos dos xornalistas, o que deu lugar a unha loita legal nos tribunais entre a IPBC e o goberno, que aínda continúa en marcha. Comezou as súas emisións o 15 de maio de 2017.[2] O CEO da IPBC é Eldad Koblenz e o seu presidente é Gil Omer.
| Israeli Public Broadcasting Corporation תאגיד השידור הישראלי | |
|---|---|
| |
| Logo da IPBC. | |
| Inicio das emisións | 15 de maio de 2017 |
| Propiedade de | Empresa pública |
| País |  Israel
|
| Área de emisión | Nacional e internacional |
| Sede central | Xerusalén, Israel |
Na rede
| |
| Páxina web da IPBC/Kan | |
         
| |
Historia editar
A Israeli Public Broadcasting Corporation (IPBC) é a substituta da Israel Broadcasting Authority (IBA), a empresa pública israelí durante 49 anos. Con problemas financeiros desde a irrupción da televisión privada nos anos 1990, a IBA arrastraba números vermellos e un elevado persoal, formada por máis de 1.050 empregados.[3] En 2014, o Knesset aprobou unha reforma dos medios públicos israelís mediante a pechadura de ÍAA, a súa reemplazo por unha nova empresa, e a eliminación do imposto directo de radiodifusión.[4]
Inicialmente previsto para 2016, o lanzamento de IPBC sufriu varios atrasos; primeiro por negociacións co Histadrut sobre os despedimentos, e máis tarde por disputas na coalición de goberno. O primeiro ministro Benjamin Netanyahu pretendía abortar o cambio, alegando que o persoal contratado por IPBC desempeñaría unha liña informativa crítica co executivo,[3] pero finalmente acordou cos seus socios de coalición que o novo medio nacese sen servizos informativos, segregados noutra empresa.[5] Porén, a Corte Suprema de Israel suspendeu a estrutura suscitada un día antes do lanzamento, polo que si haberá unha redacción informativa.[3]
As emisións de Kan comezaron o 15 de maio de 2017, sobre as frecuencias da antiga IBA que foran pechadas un día antes.[6] O novo medio naceu cun persoal de 450 empregados.[3]
Cadeas de televisión editar
Desde o 15 de maio de 2017, KAN emite dúas cadeas de televisión, as cales son emitidas a través dos transmisores nacionais DVB-T2, satélite, a compañía de televisión por cable HOT, a compañía de televisión por satélite YES e a través de Internet.
As canles de televisión dispoñibles son:
- Kan 11: A canle principal da corporación. Substituíu o Channel 1 da IBA. Entre os seus contidos atópanse principalmente programas de novas, de actualidade e culturais. A programación é en hebreo.
- Makan 33: A segunda canle da corporación. Emite en lingua árabe, noticiarios e programas culturais. Substituíu o Channel 33 da antiga IBA.
- KAN Hinuchit: Previsto para agosto de 2018, Channel 23, coñecido ultimamente como Hinuchit ou a Televisión Educativa Israelí, será integrado ás emisións da corporación e estará adicado aos nenos e a mocidade.
Radio editar
Entre as emisoras de radio da IPBC se atopan:[7]
- Kan Tarbut: Programación de contidos xerais e culturais.
- Kan Bet: Actualidade e información en directo.
- Kan Gimmel: Música israelí.
- Radio Makan: Radio en árabe palestino.
- Kan Farsi: Radio en idioma persa.
- Kan REKA: Emisora para os inmigrantes de Israel. Emite en 13 linguas, aínda que a maior parte dos programas son en idioma ruso.
- Kan 88: Especializada en música contemporánea israelí e internacional.
- Kan Kol Ha Musica: Emisora de música clásica.
- Kan Moreshet: Radio adicada á comunidade xudía ortodoxa.
O sitio web de KAN conta con 7 emisoras musicais exclusivamente dixitais:
- Kan Nostalgia
- Kan Yam Tichon (Kan Mediterranean Sea)
- Kan Shia Regesh (Kan Peak of Emotion)
- Kan Ktzat Acheret (Kan Something Different)
- Kan 80's-90's
- Kan LaHitim (Kan Hits)
- Kan Klasi (Kan Classical)
Notas editar
- ↑ "KAN - Israeli Public Broadcasting Corporation". LinkedIn.
- ↑ Cashman, Greer Fay (August 3, 2016). "Rivlin: Public broadcasting doesn’t need commissar". The Jerusalem Post. Consultado o December 1, 2016.
- ↑ 3,0 3,1 3,2 3,3 "Nace envuelta en polémica la nueva radiotelevisión pública de Israel". El Mundo (en castelán). 15 de maio de 2017. Consultado o 16 de maio de 2017.
- ↑ Tucker, Nati (6 de marzo de 2014). "Israel Broadcasting Authority to Be Shut Down and Replaced". Haaretz (en inglés). Consultado o 16 de febreiro de 2016.
- ↑ Sanz, Juan Carlos (2017-05-15). "Sin noticias en la televisión de Netanyahu". El País (en castelán). ISSN 1134-6582. Consultado o 2020-03-28.
- ↑ Tucker, Nati (12 de maio de 2017). "Israel’s New Public Broadcasting Era Begins on Monday After Three Years of Political Wars". Haaretz (en inglés). Consultado o 14 de maio de 2017.
- ↑ "עכשיו בשידור חי". kan.org.il (en hebreo). Arquivado dende o orixinal o 03 de outubro de 2018. Consultado o 15 de maio de 2018.
Véxase tamén editar
Wikimedia Commons ten máis contidos multimedia na categoría: Israeli Public Broadcasting Corporation  |