Helioviewer

O Helioviewer, é un proxecto conxunto da NASA e da ESA, de código aberto para a visualización de datos solares e heliosféricos, que inclúe un software de visualización de datos de imaxes do Sol baseado no estándar de compresión de imaxes JPEG 2000, escrito en Java e OpenGl, chamado JHelioviewer.

O software foi desenvolvido por investigadores da ESA e da NASA como parte do proxecto JHelioviewer que desenvolve un equipo interdisciplinario de físicos solares e enxeñeiros informáticos (sendo os investigadores principais: Daniel Müller da ESA, e Jack Ireland (ADNET Systems, Inc. / NASA Goddard Space Flight Center). O Protocolo Interactivo JPEG 2000 (JPIP) permite enviar paquetes de datos a alta compresión. Dita tecnoloxía permite ao Observatorio de dinámica Solar da NASA manexar e servir aos investigadores, e público en xeral, mais dun terabyte de datos de imaxes por día. O servidor do software e arquivos JPEG 2000 está situado no Centro de Análises de Datos do Sol (SDAC) do Centro de Voo Goddard da NASA.

Ademais de permitir a descarga do programa, tamén dispón dun servizo de imaxes na web na dirección www.helioviewer.org, e acceso para aplicacións móbeis.

Véxase tamén

Ligazóns externas

• Aplicación web de visualización de datos do proxecto HelioviewerArquivado 27 de maio de 2021 en Wayback Machine. (en inglés).
• Páxina de descarga do programa JHelioviewer (en inglés).
• Páxina inicial da wiki HelioviewerArquivado 30 de abril de 2011 en Wayback Machine. (en inglés).