Guillermo Vázquez Núñez
Guillermo Vázquez Núñez, nado en Catasol (Santa María de Melide, Melide) en 1884 e finado en Madrid o 24 de agosto de 1936, foi un frade mercedario, sacerdote e historiador galego.
Biografía | |
---|---|
Nacemento | 1884 Santa María de Melide, España |
Morte | 24 de agosto de 1936 (51/52 anos) Madrid, España |
Datos persoais | |
País de nacionalidade | España |
Actividade | |
Ocupación | frade , escritor |
Traxectoria
editarIniciou o noviciado no Convento da Magdalena de Sarria, e fixo os votos sinxelos no Mosteiro de Poio. Ordenouse sacerdote en Lugo en 1908. Estudou Filosofía e Letras na Universidade de Madrid, onde se licenciou en 1911 e se doutorou en 1917. Na Orde mercedaria foi Padre Provincial de la Provincia de Castilla (1914-1918), Comendador do Mosteiro de Poio (dende 1924) e Historiador de la Orden Mercedaria en la Provincia de Castilla. Foi académico correspondente da Real Academia Galega. Logo do golpe de Estado do 18 de xullo de 1936 foi asasinado en Madrid o 24 de agosto de 1936.[1]
Notas
editar- ↑ El Correo Gallego, 24-9-1939, p. 4.
Véxase tamén
editarBibliografía
editar- Rodríguez Pampín, Xosé Manuel (1985). "Frai Guillermo Vázquez Núñez". Boletín do Centro de Estudios Melidenses-Museo da Terra de Melide (3).
- Broz Rei, Xosé Manuel (2012). "O melidán Guillermo Vázquez Núñez, padre Mercedario". Boletín do Centro de Estudios Melidenses-Museo da Terra de Melide (25).