Granada 74 Club de Fútbol

(Redirixido desde "Granada 74 CF")

O Granada 74 Club de Fútbol foi un club de fútbol da cidade de Granada, en España. En xullo de 2007 un empresario granadino compra o Club de Fútbol Ciudad de Murcia e trasládao a Granada, cambiando o seu nome e os seus distintivos polos do Granada 74, do que era presidente. Desaparece en 2009.

Granada 74
NomeGranada 74 Club de Fútbol
Alcume(s)O 74
Fundación2007
Desaparición2009
EstadioLa Victoria de Pinos Puente
España Granada, España
Inauguración1997
Capacidade4.400 espectadores
Na casa
Fóra

HistoriaEditar

O CP Granada 74 fundouse en 1974 no popular barrio de La Chana de Granada, pasando despois a Almanjayar. Logo de varios anos en Terceira e Rexional, a súa historia cambiaría radicalmente. O 6 de xuño de 2007 o seu presidente, Carlos Marsá, un investidor madrileño fincado en Granada, adquiriu o CF Ciudad de Murcia, que militaba en Segunda División e transferiuno a Granada, creando así o Granada 74 Club de Fútbol ao adoptar o nome e os distintivos do histórico club granadino. No entanto, o antigo Club Polideportivo Granada 74 non desapareceu, senón que se converteu en filial do novo Granada 74 de Segunda División.

O novo Granada 74 só conservou do Ciudad de Murcia a 8 xogadores do seu persoal e a praza para xogar en Segunda División. Con todo, a FIFA, a UEFA e a Real Federación Española de Fútbol opuxéronse a que o club militase na Segunda División porque consideraban que se trataba dun ascenso de categoría logrado por medios económicos, no canto de méritos deportivos. A LFP, a Federación Andaluza de Fútbol e o Consello Superior de Deportes apoiaron ao club, xa que consideraban que non se produciu unha compra de praza, senón un cambio de residencia e de nome dunha Sociedade Anónima Deportiva, o Ciudad de Murcia, que culminara na cuarta posición a pasada tempada, polo cal tiña dereito a seguir en Segunda. O Tribunal de Arbitraxe (TAS) deu a razón ao club, que podía militar en Segunda División.[1]

O primeiro partido oficial do Granada 74 foi no estadio Ramón de Carranza de Cádiz, ante o equipo local, o Cádiz CF, o día 25 de agosto de 2007, gañando os cadistas por 2-1. O primeiro partido oficial de local foi unha semana despois, ante o Hércules de Alacant, partido que terminou con vitoria herculana por 2-3. A primeira vitoria do Granada 74 foi o 5 de setembro de 2007, ao vencer por 1-0 ao Sporting de Gijón nun partido da Copa do Rei.

A súa primeira tempada de existencia saldouse co descenso a Segunda B. Na súa seguinte campaña, xa en Segunda División B, volveu descender, esta vez a Terceira División. Terminada a tempada o club non fai fronte aos pagos cos seus xogadores, polo que é descendido a Primeira Andaluza e desaparece.[2]

Datos do clubEditar

  • Tempadas en : 0
  • Tempadas en : 1
  • Tempadas en 2ªB: 1
  • Tempadas en : 0

HistorialEditar

Tempada Categoría Posición Copa do Rei
2007/08 2ª División 21º   1/16 de final
2008/09 2ª División B 18º   3ª Eliminatoria

XogadoresEditar

Xogadores destacadosEditar

NotasEditar

  1. A LFP gaña no TAS o caso do Granada 74
  2. "O Granada 74 non paga e vese abocado á desaparición". Arquivado dende o orixinal o 18 de setembro de 2010. Consultado o 06 de xaneiro de 2011. 

Véxase taménEditar

Outros artigosEditar