Giant
Giant Manufacturing Co. Ltd. (捷安特), coñecida habitualmente polo seu nome de marca Giant, é unha empresa taiwanesa de bicicletas, situada entre as maiores do mundo por produción.
| Giant Manufacturing Co. Ltd. | |
|---|---|
 | |
  | |
| Tipo | Sociedade Anónima |
| Fundación | 1972 |
| Localización | Tachia (Taiwán) |
| Persoas clave | King Liu (fundador e presidente) |
| Industria | Bicicletas |
| Produtos | Biciletas e compoñentes |
| Beneficio | 820 millóns de $ (2007) |
| Na rede | |
| https://www.giant-bicycles.com/ | |
    | |
| [ editar datos en Wikidata ] | |
Historia editar
Fundada en 1972 en Tachia (Taichung), Giant comezou deseñando e fabricando pezas de bicicletas para o mercado local da illa (sobre todo para Schwinn e Nishiki. En menos dunha década (1980), consegue ser o maior fabricante do seu país e a partir de 1981 muda a súa estratexia: primeiro pasa a vender as súas propias bicicletas baixo unha marca de seu (Giant) e logo en 1986 comeza a exportar vendendo no estranxeiro (o primeiro mercado foron os Países Baixos. Nos seguintes anos prosegue a súa expansión e consegue distribución nos Estados Unidos (1987), o Xapón (1989), o Canadá e Australia (1991), e a China (1992). En 1996 dá un paso máis na súa expansión e abre factoría de produción propia nos Países Baixos, á que lle seguiría ao ano seguinte a factoría da China.
En 1994 saíu á bolsa, cotizando no mercado de valores de Taiwán.
Mercado e números actuais editar
O 70% das vendas de Giant (2007) baséase na venda de produtos propios, mentres que o 30% é deseño e produción para outras marcas. Nos produtos propios cobre todo o espectro do mercado de bicicletas: montaña, cidade, comepetición, encartables, eléctricas, estáticas etc. Distribúe produtos a máis de cincuenta países (10.502 tendas en xuño de 2007[1]), e en 25 ten sede e está establecido como compañía[2].
Mentres que en 2000 producía 2,5 millóns de bicicletas ao ano[3], en 2007 as dúas vendas superaban xa os cinco millóns de bicicletas anuais, e obtivo un beneficio global de 820 millóns de dólares. Dobrar a produción foi posible sobre todo grazas á súa entrada no mercado chinés, cunha factoría que se dedica á produción de bicicletas no treito barato, mentres que o treito caro, onde se concentra a innovación, se produce entre Taiwán, Europa e América[1].
Esponsorización editar
Giant esponsoriza dous equipos de ciclismo de nivel internacional, o Global Giant, de montaña, e o Rabobank[4], de ciclismo en estrada. Tamén patrocina diversos equipos nacionais.
Notas editar
- ↑ 1,0 1,1 World's Foremost Bicycle Maker Aims to "Inspire Adventure Arquivado 26 de marzo de 2009 en Wayback Machine., China Economic News Service, 12.7.2007, consultado o 24.9.2009
- ↑ Web da empresa, consultado o 24.9.2009
- ↑ Entrevista a King Liu, Financial Times, 24.9.1997, páx. 16
- ↑ Rabobank team to ride Giant bicycles for the 2009 season, Velonews.com, 26.8.2008, consultado o 24.9.2009