Gemini Agena Target Vehicle

Vehículo espacial dos Estados Unidos.
(Redirixido desde "GATV 12")

O Gemini Agena Target Vehicle (abreviadamente, GATV) foi un modelo de foguete Agena usado durante o programa Gemini como vehículo obxectivo para as cápsulas tripuladas do programa para facer prácticas de cita espacial e atraque.[1][2]

O GATV da misión Gemini 8.

CaracterísticasEditar

 
Detalle do porto de atraque do GATV 12, desde a Gemini 12.

Os GATV consistían en etapas Agena D modificadas coa adición dun colar de atraque, un panel visualizador e capacidade de reencendido do seu motor Bell 8247. Os GATV chegaban a órbita con suficiente reserva de propelente como para propulsar ó conxunto GATV-Gemini a órbitas altas, ata a beira dos cintos de radiación.[1][2]

Os GATV estaban divididos en tres seccións:

  • A sección auxiliar, con espazo para equipos auxiliares e no que estaba situado o porto de atraque, situado baixo a cofia (durante o lanzamento).
  • A sección Agena D media, cos equipos principais e os tanques de propelente.
  • A sección posterior, co motor principal Bell 8247 capaz de varias ignicións e os motores auxiliares de manobra, máis pequenos, Bell 8250.[1][2]

O panel visualizador (ASP, Gemini-ATV Status Panel) estaba situado sobre o porto de atraque do GATV, onde era visible para os astronautas desde a cápsula Gemini durante e despois do atraque. O panel era capaz de mostrar información sobre o estado e seguridade dos diversos sistemas do GATV: guiado, propulsión, enerxía, atraque... O panel estaba formado por nove luces e tres diais analóxicos e os circuítos asociados a cada sistema.[1][2]

En total lanzáronse seis GATV, dous deles fallados.[1][2]

Parámetros dos GATVEditar

  • Masa cheos: 3260 kg
  • Altura: 7,93 m
  • Diámetro: 1,52 m

Historial de lanzamentosEditar

Nave[1][2] Data[1][2] Rampla de lanzamento[1][2] Misións Gemini asociadas[1][2] Resultado[1][2] Notas[1][2]
GATV 6 25 de outubro de 1965 Rampla LC-14 de Cabo Cañaveral Gemini 6 Fallo Explosión da segunda etapa ós 6 minutos do lanzamento.
GATV 8 16 de marzo de 1966 Rampla LC-14 de Cabo Cañaveral Gemini 8, Gemini 10 Éxito
GATV 9 17 de maio de 1966 Rampla LC-14 de Cabo Cañaveral Gemini 9 Fallo Fallo do sistema de control da última etapa.
GATV 10 18 de xullo de 1966 Rampla LC-14 de Cabo Cañaveral Gemini 10 Éxito
GATV 11 12 de setembro de 1966 Rampla LC-14 de Cabo Cañaveral Gemini 11 Éxito
GATV 12 11 de novembro de 1966 Rampla LC-14 de Cabo Cañaveral Gemini 12 Éxito Último lanzamento dun GATV.

NotasEditar

  1. 1,00 1,01 1,02 1,03 1,04 1,05 1,06 1,07 1,08 1,09 1,10 Gunter Dirk Krebs (2011). Gunter's Space Page, ed. "GATV 6, 8, 9, 10, 11, 12" (en inglés). Arquivado dende o orixinal o 28 de agosto de 2016. Consultado o 3 de marzo de 2013. 
  2. 2,00 2,01 2,02 2,03 2,04 2,05 2,06 2,07 2,08 2,09 2,10 Mark Wade (2011). "GATV" (en inglés). Consultado o 3 de marzo de 2013. 

Véxase taménEditar

Outros artigosEditar