Fuel

(Redirección desde «Fuel-oil»)

O fuel ou fuel óleo, segundo as grafías recomendadas polo Dicionario da RAG,[1] tamén chamado fuelóleo e fuel-oil, é unha fracción do petróleo que se obtén como residuo na destilación fraccionada do cru. De aí obtense entre un 30 e un 50 % desta substancia.

Mostra de fuel óleo.

O fuel é o combustíbel máis pesado dos que se poden destilar a presión atmosférica. Está composto por moléculas con máis de 20 átomos de carbono, e a súa cor é negra ou parda moi escura.

O fuel óleo úsase como combustíbel para buques, centrais termoeléctricas, caldeiras e fornos.

Por outra parte, tamén se trata en procesos a menor presión para poder ser destilado e así obter as fraccións máis pesadas do petróleo, como os aceites lubricantes e o asfalto, entre outros.

Clases editar

O fuel óleo clasifícase en seis clases, enumeradas do 1 ao 6, de acordo co seu punto de ebulición, a súa composición e o seu uso. O punto de ebulición varía entre 175 e 600 °C; a lonxitude da cadea de carbono, de 9 a 70 átomos; e a viscosidade aumenta co número de carbonos da molécula, por iso os máis pesados deben quentarse para que flúan. O prezo xeralmente decrece a medida que o número de átomos de carbono aumenta.

Os fuel nº 1, fuel nº 2 e fuel nº 3 chámanse de diferentes formas: fuel destilado, fuel diésel, fuel lixeiro, gasóleo ou simplemente destilados.

Os fuel nº 5 e fuel nº 6 son coñecidos como fuel óleos residuais (RFO polas súas siglas en inglés) ou fuel óleos pesados.

Notas editar

  1. "Fuel e Fuel óleo no Dicionario da RAG". Arquivado dende o orixinal o 22 de xullo de 2013. Consultado o 11 de maio de 2012. 

Véxase tamén editar

Outros artigos editar


 
 Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.