Fredrik Reinfeldt

John Fredrik Reinfeldt, nado en Haninge o 4 de agosto de 1965, é un político sueco, primeiro ministro do seu país e líder do conservador Partido Moderado. Foi elixido líder da súa formación o 25 de outubro de 2003, sucedendo no cargo a Bo Lundgren. Logo das eleccións lexislativas do 17 de setembro de 2006 converteuse en primeiro ministro de Suecia.

Fredrik Reinfeldt
Nome completo	John Fredrik Reinfeldt
Nacemento	4 de agosto de 1965
Lugar de nacemento	Österhaninge church parish
Nacionalidade	Suecia
Alma máter	Universidade de Estocolmo e Stockholm Business School
Ocupación	político, economista e participante do fórum internacional
Pai	Bruno Reinfeldt
Nai	Birgitta Reinfeldt
Cónxuxe	Filippa Reinfeldt
Fillos	Gustav Reinfeldt, Erik Reinfeldt e Ebba Reinfeldt
Coñecido por	Open Your Hearts
Premios	H. M. The King's Medal e Order of Stara Planina
Na rede
[ editar datos en Wikidata ]

Traxectoria

Reinfeldt naceu na viliña de Österhaninge, en Haninge, na provincia de Södermanland e medrou en Tensta, Estocolmo. Xa de mozo se integrou nas mocidades do Partido Moderado, e foi un activo militante durante o seu tempo de estudo na Universidade de Estocolmo, onde se licenciou en Económicas en 1990.

Foi escollido como deputado nas eleccións lexislativas de 1991 cando os conservadores do Partido Moderado regresaron ao goberno da man do seu líder, o primeiro ministro Carl Bildt. Nese tempo foi secretario xeral das mocidades da súa formación, impoñéndose á facción máis liberal.

Baixo o liderado de Reinfeldt, que comezou en 2003, a súa formación gañou espazo cara ao centro do espectro político, e fixo do recurtamento de impostos nas clases medias a súa bandeira. Ao mesmo tempo, reduciu a súa belixerancia con respecto ao estado do benestar sueco. Á fronte da Alianza por Suecia, integrada por conservadores, liberais, centristas e democristiáns, conseguiu derrotar por estreita marxe o primeiro ministro socialdemócrata Göran Persson.

Véxase tamén

Bibliografía

• Det sovande folket (1993)
• Projekt Europa: sex unga européer om Europasamarbetet (1993)
• Nostalgitrippen (1995)
• Stenen i handen på den starke (1995)
• Väljarkryss: personvalshandbok (2001)

Ligazóns externas

• Web do primeiro ministro sueco