Fabio Álvarez
Pianista galego
Fabio Álvarez González[1], nado en Ourense en 1988, é un pianista galego.
| Biografía | |
|---|---|
| Nacemento | 1988  (35/36 anos)Ourense, España |
| Actividade | |
| Ocupación | pianista |
Traxectoria editar
Formouse de neno na escola municipal da Pobra de Trives[1], no conservatorio de Ourense e no Conservatorio Superior de Música do País Vasco, neste caso co pianista Emmanuel Ferrer-Lalöe como mestre. Marchou despois en 2015 a Nova York, onde proseguiu estudos, neste caso de mestrado, con Phillip Kawin na Escola de Música de Manhattan.
Ten actuado internacionalmente como pianista solista e como concertista con orquestra en distintos lugares de Galicia, resto de España, Francia e os Estados Unidos. Aínda que ten traballado outros estilos, a súa preferencia artística é a música para piano contemporánea.
Discografía editar
- Musical Zodiac: onde interpreta Makrokosmos I e Makrokosmos II, de George Crumb[2].
- Mad Rush (IBS, 2021), onde interpreta pezas de Philip Glass[3].
Vida persoal editar
Reside en Nova York, onde dá clase de piano[4].
Véxase tamén editar
Ligazóns externas editar
Notas editar
- ↑ 1,0 1,1 González, Fabio Álvarez. "Fabio Álvarez González". www.emusicarte.es (en castelán). Consultado o 2021-05-01.
- ↑ "Reseña ı Musical Zodiac - Fabio Álvarez". Melómano Digital (en castelán). 2019-08-05. Consultado o 2021-05-01.
- ↑ Región, La (2021-04-30). "Fabio Álvarez: "Mi nuevo disco, 'Mad Rush', nació por las calles de Nueva York"". La Región (en castelán). Consultado o 2021-05-01.
- ↑ "Biografía". fabioalvarez. Arquivado dende o orixinal o 01 de maio de 2021. Consultado o 2021-05-01.