Estadio Municipal de Butarque
Coordenadas: 40°20′25″N 3°45′39″O / 40.3404, -3.7607
O Estadio Municipal de Butarque é un estadio de fútbol situado na localidade de Leganés (Comunidade de Madrid). Neste campo o principal equipo da cidade, o Club Deportivo Leganés, disputa os seus encontros como local.
| Municipal de Butarque | |
|---|---|
 | |
| Datos | |
| Localización | Leganés, Madrid España |
| Construción | |
| Inauguración | 14 de febreiro de 1998 (26 anos) |
| Estadio | |
| Superficie | Céspede |
| Dimensións | 105 x 70 |
| Capacidade | 10.958 |
| Propietario | Concello de Leganés |
| Localía | Club Deportivo Leganés |
| Eventos | |
| |
O nome do campo vén pola patroa da localidade, a nosa Señora de Butarque, e comezou a construírse entre 1997 e 1998 coa intención de substituír o antigo estadio, o Luís Rodríguez de Miguel, en cuxo terreo asentaríase posteriormente a Praza Maior de Leganés. O Estadio de Butarque foi inaugurado o 14 de febreiro de 1998 cun partido de Segunda División entre o Leganés e Xerez Club Deportivo.
Butarque pode albergar ata 10.958 espectadores, aínda que a entrada media no estadio oscila entre 5.000 e os 6.000 persoas dependendo do partido. Posúe unha tribuna cuberta para os espectadores, mentres que o resto (lateral e fondos) non teñen teito e están descubertas. No mesmo estadio atópanse as oficinas centrais do equipo e a tenda do club.
Nos terreos pertencentes ao estadio atópase tamén un campo de herba artificial, situado en fronte do campo principal, no que xoga os seus partidos o Leganés B e as divisións inferiores do equipo leganense. Ademais está proxectada a construción dunha residencia de xogadores e unha escola para a canteira.
Ademais de partidos de fútbol, o campo albergou edicións do Festimad e concertos musicais.
Véxase tamén editar
Ligazóns externas editar
- Ficha do estadio (en inglés)