Espectro electromagnético

Espectro electromagnético é o intervalo completo da radiación electromagnética, que contén desde as ondas de radio, pasando polas microondas, o infravermello, a luz visible, os raios ultravioleta, os raios X, a radiación gamma, ata os raios cósmicos.

O espectro electromagnético.

O espectro electromagnético, resaltando a luz visíbel

Falar de espectro referíndose a un fenómeno ondulatorio como o é a radiación electromagnética (EM), significa falar en termos de frecuencia de oscilación, longura de onda ou enerxía de fotón. Así o espectro electromagnético é un mapa, unha clasificación da radiación EM segundo estes parámetros.

Por outra banda o espectro EM pódese clasificar do mesmo xeito con calquera destes tres parámetros, que gardan unha relación de proporcionalidade entre eles. Deste xeito tense que,

$\ \nu =c/\lambda$

$E=h\cdot \nu$

onde $\nu$ é a frecuencia medida en Herzios (Hz), $\lambda$ é a longura de onda medida en múltiplos e submúltiplos do metro, E é a enerxía medida en Joule (J) -aínda que se adoita ofrecer tamén, por simplicidade, en electrón-voltios (eV)-, e finalmente h é a constante de Planck.

Espectro electromagnético, penetración na atmosfera, lonxitude de onda, frecuencia e radiación de corpo negro.

Zona Espectral	Lonxitude de onda (m)	Frecuencia (Hz)	Enerxía (J)
Raios gamma	< 10 pm	>30.0 EHz	>19.9E-15 J
Raios X	< 10 nm	>30.0 PHz	>19.9E-18 J
Ultravioleta Extremo	< 200 nm	>1.5 PHz	>993E-21 J
Ultravioleta Próximo	< 380 nm	>789 THz	>523E-21 J
Luz Visíbel	< 780 nm	>384 THz	>255E-21 J
Infravermello Próximo	< 2.5 um	>120 THz	>79.5E-21 J
Infravermello Medio	< 50 um	>6.00 THz	>3.98E-21 J
Infravermello Afastado/submilimétrico	< 1 mm	>300 GHz	>199E-24 J
Microondas	< 30 cm	>1.0 GHz	>1.99e-24 J
Ultra Alta Frecuencia (UHF) -Radio	<1 m	>300 MHz	>1.99e-25 J
Moi Alta Frecuencia (VHF) Radio	<10 m	>30 MHz	>2.05e-26 J
Onda curta (SW) - Radio	<180 m	>1.7 MHz	>1.13e-27 J
Onda Media (MW) Radio	<650 m	>650 kHz	>4.31e-28 J
Onda Longa (LW) Radio	<10 km	>30 kHz	>1.98e-29 J
Moi Baixa Frecuencia (VLF, ULF, ELF, SLF) Radio	>10 km	<30 kHz	<1.99e-29 J