Río Nansa
O río Nansa está situado no norte de España, na Cornixa Cantábrica, discorre pola comunidade autónoma de Cantabria e desemboca no Mar Cantábrico.
| Nansa | |
|---|---|
.PNG) | |
| País | España |
| Nacemento | Peña Labra, Polaciones (Cantabria) |
| Altitude | 1.300 |
| Lonxitude | 46 km |
| Conca | 418 km² |
| Desembocadura | Mar Cantábrico |
Nace ao pé de Peña Labra na súa vertente setentrional, a uns 1.800 metros de altura. Discorre cara ao norte en dirección ao mar e nuns 7 quilómetros que hai ata Puente Pumar, localidade do val de Polaciones, recibe varios afluentes que veñen de Peña Sagra, Collado de la Cruz de Cabezuela e Puerto de Sejos. Segue cara ao norte-nordés durante outros 5 quilómetros ata Tudanca, pasando durante o seu traxecto por unha garganta en Peña Bejo (ou Caos de Bejo), que ten o nome de Estrecho de Bejo. Entre os cortes do El Potro y Peña Bejo foi construído en 1950 o encoro de La Cohilla.
Segue formando unha curva ondulada con dirección xeral cara ao norte durante 12 quilómetros ata Puentenansa, durante os cales recibe as augas á esquerda o río Vendul, que descende do Corno de Peña Sagra; e no mesmo pobo, pola dereita, o río Tibierga, que nace ao pé do monte Aa e discorre paralelo á serra del Escudo de Cabuérniga paralelo pola súa vertente sur.
Como a 4 quilómetros curta esta cadea montañosa, de novo nunha gran cluse, seguindo a dirección norte-noroeste, unhas veces en val bastante aberto e outras pechado entre montes ata chegar á súa desembocadura na ría Tina Menor xa no Cantábrico.
A uns seis quilómetros augas abaixo de Puente Nansa, e fronte á localidade de Celis, recibe pola esquerda ao río Tanéa, que descende de Peña Sagra, así como doutros de menor consideración.
Características editar
- Nacemento: serra de Peña Labra en Polaciones, a 1.300 metros de altura.
- Desembocadura: ría de Tina Menor
- Percorrido: 46 km
- Principais afluentes: Vendul, Tanea, Espinal, Collarín, Quivierda.
- Superficie da conca: 418 km²
- Achega anual: 376 hm³