Palacio da Ópera da Coruña
Coordenadas: 43°21′47″N 8°24′39″O / 43.363168, -8.410946
O Palacio da Ópera da Coruña é un edificio situado na Glorieta de América da cidade herculina, situado xunto ao parque de Santa Margarida. É a sede da Orquestra Sinfónica de Galicia.
| Pazo da Ópera da Coruña | |
|---|---|
 Vista da fachada. | |
  | |
| Enderezo | Glorieta de América, 15004 A Coruña |
| Cidade | A Coruña |
| País |  Galiza |
| Propiedade de | Concello da Coruña |
| Capacidade | 1.805 |
| Uso actual | Teatro, danza e música |
| Páxina web | www |
Instalacións editar
O Auditorio principal dispón de asentos para 1.805 persoas. No mesmo recinto, o Palacio da Ópera alberga unha Sala de Cámara, unha Sala de Relatorios, unha Sala VIP e unha área de exposición.[1]
Historia editar
Os terreos da canteira de Santa Margarida foron declarados urbanizábeis no plan xeral de 1985 e en 1988 foron adxudicadas as obras a Ginés e Machado por 1789 millóns de pesetas. As obras foron paralizadas o 8 de marzo do ano seguinte por unha denuncia da Asociación de Veciños sobre o volume do edificio. O Tribunal Superior de Xustiza de Galicia levantou a paralización en xullo e volveuna a aplicar en outubro.[2]
O edificio, obra do Taller de Arquitectura y Urbanismo foi inaugurado o 2 de decembro de 1989 como Palacio de Congresos-Auditorio. O día seguinte celebrouse o III Congreso Nacional de Economía.[2] En 1999 sufriu unha remodelación e reinaugurouse como Palacio de Congresos e da Ópera.[1][3]
Coa construción do novo centro de congresos e exposicións no Porto, PALEXCO, denominouse Palacio da Ópera.[1][4]
Galería de imaxes editar
-
Palacio da Ópera -
Catarata do Palacio da Ópera -
Exterior -
Notas editar
- ↑ 1,0 1,1 1,2 Palacio da Ópera
- ↑ 2,0 2,1 Gutiérrez, José Manuel (11-11-2016). "Palacio de la Ópera, un edificio marcado por la polémica". La Opinión de A Coruña (en castelán). Consultado o 27-12-2017.
- ↑ García, Rodri (9-12-2014). "El Palacio de la Ópera de A Coruña cumple 25 años". La Voz de Galicia (en castelán). Consultado o 7-8-2017.
- ↑ PALEXCO (2009). Dossier de prensa. p. 4. Arquivado dende o orixinal o 09 de marzo de 2012. Consultado o 07 de agosto de 2017.
Véxase tamén editar
Wikimedia Commons ten máis contidos multimedia na categoría: Palacio da Ópera da Coruña  |
Ligazóns externas editar
- Sitio oficial (en castelán)