As Ferrarías, A Veiga de Valcarce
As Ferrarías[1] (Las Herrerías de Valcarce en castelán e oficialmente) é unha localidade do concello da Veiga de Valcarce na bisbarra leonesa do Bierzo. Encóntrase situada ao oeste da capital do concello, no val do río Valcarce e a uns 675 metros de altitude. A súa poboación, en 2013, é de trinta e nove habitantes.[2]
Localización | ||||
---|---|---|---|---|
| ||||
Estado | España | |||
Comunidade autónoma | Castela e León | |||
Provincia | provincia de León | |||
Municipio | A Veiga de Valcarce | |||
Xeografía | ||||
Altitude | 675 m | |||
Identificador descritivo | ||||
Código postal | 24526 | |||
As referencias deste artigo non teñen un formato correcto. Podes colaborar editándoas como se indica nesta páxina. Pode axudar a mellorar este artigo e outros en condicións semellantes. |
Topónimo editar
O nome de Ferrarías ten a súa orixe, probablemente, nas catro ferrarías que existían na localidade que traballaban con metais da zona. O barrio de Hospital debe o seu nome a un antigo Hospital inglés de peregrinos.
Historia editar
En 1834, cando se realizou en España a primeira división do territorio nacional en partidos xudiciais, As Ferrarías e Hospital quedaron adscritos ao partido xudicial de Vilafranca do Bierzo.[3] En 1966 suprimiuse o partido xudicial de Vilafranca do Bierzo e pasaron a estar adscritos ao partido xudicial de Ponferrada.
En 1858, As Ferrarías contaban coa categoría de lugar e 283 habitantes mentres que Hospital contaba coa categoría de aldea e 110 habitantes.[4]
Patrimonio editar
Arquitectura relixiosa editar
A Igrexa de San Xulián, dunha soa nave, é de estilo barroco-neoclásico e data do século XVIII.
O camiño de Santiago pasa polas Ferrarías. Existe albergue para peregrinos e tamén hai outros aloxamentos, varios restuarantes, bares...
Arquitectura civil editar
Existe unha ferraría que se atopa nun bo estado de conservación. Dentro do complexo daa ferraría existe un muíño aínda en funcionamento. Na aldea tamén hai unha fragua.
Hai restos dun par de castros: o de Santo Cristovo', onde se poden ver restos tanto de tumbas como óseos, e o de Peredo, situado no Barrio de Hospital, onde se poden ver algúns fosos e restos de parede.
Á entrada da aldea existe unha ponte que data do século XV.
Comunicacións editar
Estradas editar
A estrada N-006a é a principal vía de acceso ás Ferrarías de Valcarce e é a que comunica esta localidade coa capital do concello ao que pertence: A Veiga de Valcarce. Outra vía de acceso sobranceira é a estrada LE-4101 que comunica ás Ferrarías coa provincia de Lugo pasando polas localidades da Faba e Arxenteiro. A elas compre engadir as estradas LE-4109 e LE-4102 que comunican As Ferrarías con Lindoso e San Xiao respectivamente.
Autobús editar
As Ferrarías conta con servizo de autobús operado por Autocares González y de la Riva, entre outras localidades, A Veiga de Valcarce, Vilafranca do Bierzo, Ponferrada, Pedrafita do Cebreiro, Becerreá e Lugo.[5]
Festas editar
As festas patronais son en honra de Santiago e Santa Ana.
Notas editar
- ↑ Gómez Bautista, Alberto. Toponimia do Baixo Bierzo e Os Ancares Orientais. Fala Ceibe. 2004. Ponferrada
- ↑ Nomenclátor do INE, www.ine.es
- ↑ Subdivisión en partidos xudiciales da nova división territorial da península e illas adxacentes aprobada por S.M. no Real Decreto do 21 de abril de 1834, Imprenta real, p.123,Madrid
- ↑ Nomenclátor dos pobos de España formado pola comisión estatística xeral do reino,1858,Imprenta nacional, p.435, Madrid
- ↑ Concello de Becerreá,Transporte[Ligazón morta]