Tratado de Fontainebleau: Diferenzas entre revisións

O '''Tratado de Fontainebleau''' foi asinado o [[27 de outubro]] de [[1807]] na cidade [[Francia|francesa]] de [[Fontainebleau]] entre os respectivos representantes plenipotenciarios de [[Manuel Godoy]], [[valido]] do rei español [[Carlos IV]], e [[Napoleón Bonaparte]]. Nel se estipulaba a invasión militar conxunta franco-española de [[Portugal]] e permitíase para iso o paso das tropas francesas por territorio español, sendo así o antecedente da posterior invasión francesa da [[Península Ibérica]] e da [[Guerra da Independencia]].

 

== Historia ==

O 27 de outubro de 1807, Manuel Godoy, valido de Carlos IV, representado polo seu plenipontenciario, o Conselleiro de Estado e Guerra [[Eugenio Izquierdo]], firma con [[Gérard Duroc]], representante de Napoleón, o Tratado de Fontainebleau, no que se estipula a invasión militar conxunta franco-española de Portugal, para o que se permite o paso de tropas francesas por territorio español.

 

 

 

Conforme ao Tratado, unha vez invadido [[Portugal]], este sería dividido en tres zonas. O norte (Oporto e Entre-Minho-e-Douro) sería entregado, co nome de Reino de Lusitania Septentrional, ao antigo rei de [[Etruria]], [[Carlos Luís I de Borbón]], sobriño de [[Fernando VII]], en compensación polos seus territorios italianos entregados a Napoleón. A zona central (Beiras, Tras os Montes e Estremadura portuguesa) reservaríase para un posible cambio por [[Gibraltar]] e a [[illa de Trinidade]], en mans de Inglaterra. A zona sur ([[Alentejo]] e [[Algarve]]) pasaría a Godoy e a súa familia como Principado dos Algarves. En canto ás colonias, a súa división entre Francia e España deixábase para un acordo posterior.

 

 

== Consecuencias ==

 

 

== A invasión franco-española de Portugal ==

 

Aos poucos días, as tropas españolas do norte, tras entrar pola vila portuguesa de [[Valença]], tomaran [[Oporto]], e as do sur, desde [[Badajoz]] chegaran a Setúbal, quedando así fora de territorio español as tropas máis operativas do seu exército. Pola súa banda, o exército expedicionario francés do xeneral [[Andoche Junot]]-que cruzara o [[río Bidasoa]] o 18 de outubro-, atravesaba España (non sen algún incidente), cruzaba a fronteira portuguesa por [[Alcántara]] o 20 de novembro e entraba en [[Lisboa]] o 30 de novembro. O día anterior, a familia real portuguesa, encabezada polo Principe Regente, futuro [[Juan VI]], e outras quince mil persoas, saíran cara a [[Brasil]], onde quedaría fixada a Corte ata 1821.

 

== O inicio da ocupación francesa de España ==

Algúns autores non descartan a idea dun tratado oculto, do que non hai proba algunha, polo que Manuel Godoy xa coñecería que, segundo os plans do emperador, 100 000 soldados franceses ocuparían España. Esta ocupación "amistosa", no entanto, terminou por alarmar ao propio Godoy. En marzo de 1808, teméndose o peor, a familia real retirouse á localidade de Aranjuez para, en caso de necesidade, seguir camiño cara ao sur, cara a Sevilla, e embarcarse para América, como xa fixera o Príncipe Regente de Portugal.

 

 

== Crise da monarquía e inicio da Guerra ==