Wikipedia:Relevancia enciclopédica: Diferenzas entre revisións

Wikipedia en galego é, antes que calquera outra cousa, unha [[enciclopedia]] de carácter xeral. Como tal considerarase relevante aquilo que o é para unha enciclopedia tal como [[Espasa]] ou a [[Enciclopedia Británica]]. Con todo, polo seu carácter de wiki e o feito de non estar limitada ao papel, permite que se inclúan temas que non se incluirían nas grandes enciclopedias.

 

 

Debe terse en conta que, aínda que Galipedia é unha obra escrita en [[idioma galego]] e por iso orientada principalmente ao público galegofalante, non por iso pódense relaxar ou endurecer os criterios de notabilidade dos artigos segundo se se refiren a temas de países de fala galega ou non. O galegocentrismo na Galipedia é unha realidade por motivos prácticos e técnicos. É natural que quen lean a Galipedia busquen información sobre a nosa cultura con maior probabilidade a información sobre países remotos; pero tamén existen máis fontes verificables polos editores desta Wikipedia sobre temas de Galicia que sobre temas doutros lugares do mundo. Con todo, o galegocentrismo choca frontalmente co [[WP:PVN|punto de vista neutral]], un dos [[WP:CINCO|cinco piares]] sobre os que se asenta a Galipedia, e por iso non é desexable.