Partido Obrero de Unificación Marxista: Diferenzas entre revisións

A pesar de ter escasos militantes en [[Galicia]] tivo un certo peso no seo do sindicalismo galego, así en Santiago de Compostela eran do POUM o secretario da Federación do Ensino local da [[UXT]], o secretario dos zapateiros e o presidente dos panadeiros da [[Confederación Nacional do Traballo|CNT]], ademais na Universidade actuaban as Mocidades do POUM. Tamén tiña influencia en localidades da [[Costa da Morte]], en [[Ribeira]] e en [[Padrón]] e na Coruña contaba con [[Uxío Carré Naya]], neto do destacado galeguista [[Uxío Carré Aldao]]. En [[Ourense]] a agrupación local da [[Izquierda Comunista de España]] non se integrou no POUM senón que fixo entrismo no [[PSOE]] ao contrario que en [[Lugo]] que tiña unha pequena agrupación local presidida por Vicente Navarro. En Galicia o POUM estaba en plena expansión, contaba con 358 militantes principalmente en [[Ribeira]], [[Boiro]], [[Vigo]] e [[A Coruña]]<ref>Bernardo Máiz, ''Galicia na II República e baixo o franquismo'', Vigo, 1988, páx. 27</ref>, e preparando o seu primeiro congreso galego cando a guerra civil tronzou a [[Segunda República Española|Segunda República]], precisamente un dos máximos dirixentes do POUM, [[Joaquín Maurín]], estaba en Galicia para asistir a este congreso cando os militares se sublevaron e durante algunhas semanas estivo agachadoagochado cun nome falso nun hotel da cidade.