Boas! Paseime por este artigo porque tiña dous erros de referencia (os que se marcan en vermello). Topeime con outras cousas, que podes ver nos resumos de edición da pestana historial de edicións. Só indicarche dúas cousas que non están fáciles de saber:
<nowiki>#</nowiki>Cando hai citas textuais (literais) sempre se debe facer a referencia á fonte. En moitos estilos de citaa/referencia tamén á paxina concreta. Na Galipedia traducimos as citas que van dentro das entradas, polo que é obrigado facer unha nota co texto orixinal. Iría nunha sección de notas diferente á habitual, porque serían comentarios. E o resto das notas iría baixo referencias. Podes velo na páxina agora.
<nowiki>#</nowiki>O piar de wikipedia fala de verificabilidade das fontes. Pero isto non implica que todas as fontes teñan que estar en liña, só que sexan consultables. Hai que ter coidado de non ligar, mesmo nas notas, a páxinas que violen os dereitos de autoría. En concreto eu retirei unha ligazón a scribd do que parecía un fusilamento do copyright e substituino polos datos completos da publicación, que son máis que suficientes. Ademais, aínda que quen subise a copia tivese autorización para facelo por parte da editora (dubidoso), para comprobar a frase habería que rexistrarse nesa plataforma. Calculo que aparecerá ese texto nesa edición, pero tardarei uns días en comprobalo.
Un saúdo, calquera cousa xa sabes onde escribirme.
