UTR: Diferenzas entre revisións

En [[xenética]] denomínanse '''UTR''' ou '''rexións non traducidas''' (procedente do inglés ''Untranslated Region'') ás rexións que non se [[tradución (proteínas)|traducen]] a proteínas situadas nos extremos dos [[ARNm]], que son copias [[complementariedade (bioloxía molecular)|complementarias]] das rexións dos extremos dos [[xene]]s. No [[extremo 5']] do ARNm hai unha rexión chamada '''5' UTR''' (ou secuencia líder) e no [[extremo 3']] outra chamada '''3' UTR''' (ou secuencia tráiler), que se encontran antes do [[codón de iniciación]] para a tradución da proteína e despois do [[codón de parada]], respectivamente. No xene as rexións correspondentes ás UTR flanquean por cada lado o [[marco aberto de lectura]] (ou ''ORF'').<ref name="griffiths">{{cita libro| autor = Griffiths, J .F. A. ''et al.'' | título = Genética | url = https://archive.org/details/lccn_2001059225 |ano= 2002 | editorial = McGraw-Hill Interamericana | id = ISBN 84-486-0368-0}}</ref> As UTR non son zonas codificantes de [[aminoácido]]s das [[proteína]]s, pero aínda que non se [[tradución de proteínas|traducen]], si se [[transcrición xenética|transcriben]], polo que están presentes nos [[ARNm]].