'''Krakatoa''' (ou '''Krakatau''' na lingua indonesia) é un arquipélago, antiga illa e [[caldeira volcánica]]<ref>{{Cite web|url=https://volcano.si.edu/volcano.cfm?vn=262000|title=Global Volcanism Program | Krakatau|website=volcano.si.edu}}</ref> situado en [[Indonesia]] no [[estreito de Sonda]] entre as grandes illas de [[Xava]] e [[Sumatra]]. A calderacaldeira forma parte dun grupo de [[illa volcánica|illas volcánicas]] chamado [[arquipélago de Krakatoa]], que comprende catro illas: dúas das cales, [[illa Lang|Lang]] e [[illa Verlaten|Verlaten]], son os restos que quedan dun edificio volcánico maior previo que foi destruído moito antes da sonada [[erupción do Krakatoa de 1883|erupción de 1883]]; outra illa, [[Rakata]], é o que queda da illa máis grande destruída na erupción de 1883 (Krakatoa). A cuarta illa do arquipélago formouse na caldeira de 1883 no ano 1927 debido a novas erupcións e denomínase [[Anak Krakatau]] ou "Fillo do Krakatoa". Desde finais do século XX houbo novas actividades eruptivas alí, cun gran colapso que causou un importante [[tsunami do estreito de Sonda de 2018|tsunami en decembro de 2018]]. A última erupción foi en 2020.<ref>{{Cite web|url=https://volcano.si.edu/volcano.cfm?vn=262000|title=Global Volcanism Program | Krakatau|website=Smithsonian Institution | Global Volcanism Program}}</ref>
