Virxilio Blanco: Diferenzas entre revisións

{{Biografía}}

 

== Traxectoria ==

 

En 1912 emigrou a Cuba e dende 1914 residiu na Habana, onde compaxinou o traballo cos estudos de pintura na Academia e no Centro Galego, onde coñeceu a [[Laxeiro]]. En 1923 espuxo no Centro Gallego, que lleconcedeu unha bolsa de tres anos para estudar na Academia de San Fernando de [[Madrid]], onde ingresou en 1924. En Madrid entrou en contacto con outros artistas galegos e participou na Exposición de Arte galego do Ateneo de Vigo de 1924 e na de Santiago de Compostela de 1926. Finalizados os estudos de Belas Artes o Centro Galego da Habana concédelle unha nova bolsa para viaxar a París. Participou na mostra de arte galego do Heraldo de Madrid en 1928 e na exposición de arte galego dos centros galegos de Buenos Aires e Montevideo en 1929. Nese ano regresou de París e espuxo nas salas viguesas de Las Colonias e do Ateneo. Alternou estancias en Vigo e Pontevedra, nas que participou nos faladoiros do Derby e o Savoy, con visitas a Santiago de Compostela. Relacionouse con Colmeiro e Souto, espuxo na sala das Oficinas de Turismo de Pontevedra en 1930. Ao ano seguinte disfrutou dunha bolsa para estudos de pintura da Deputación de Pontevedra e fundou en Forcarei a revista literaria ''[[Alborear]]'', da que foi director artístico. En 1932 volveu espoñer en Vigo e recibiu unha bolsa da Deputación de Pontevedra para ir a Madrid, onde perfeccionou o seu estilo seguindo a vangarda figurativa. Regresou a Galicia en 1934 e espuxo no Ateneo de Vigo, onde volveu espoñer ao ano seguinte na Sociedad Liceo. En 1935 tamén espuxo na Asociación de Artistasda Coruña e participou no Salón de Primavera de Pontevedra. Instalouse en Vigo, onde espuxo no Faro de Vigo en 1939, e compartiu unha mostra co debuxante Ramón Peña en Pontevedra en 1941. En 1944 a Deputación de Pontevedra concedeulle unha bolsa de viaxe, pero debido á enfermidade que padecía, non puido desprazarse. Continuou pintando e en 1945 espuso no Casino de Vigo e en 1947 participuu nunha exposición en Santiago de Compostela con Laxeiro. En 1948, o ano da súa morte, volveu espoñer en Compostela.

== Véxase tamén ==

=== Bibliografía ===

 

=== Ligazóns externas ===

* [http://dbe.rah.es/biografias/32518/virgilio-blanco-garrido Biografía na Real Academia de la Historia] {{es}}

{{Control de autoridades}}

 

{{ORDENAR:Blanco Garrido, Virxilio}}

[[Categoría:Pintores de Galicia do século XX]]

[[Categoría:Nados en Forcarei]]

[[Categoría:Nados en 1896]]

[[Categoría:Finados en 1948]]