Eloy Luís André: Diferenzas entre revisións

== Traxectoria ==

Fillo do [[médico]] Ángel Luis Barreira e de Purificación André, quedou orfo de pai cun ano de idade. A nai casou en segundas nupcias cun [[notario]] de [[Ponteareas]].{{Sfn|Camoira|2004}} Fixo os seus estudos no [[Mosteiro de San Salvador de Celanova|Colexio dos Padres Escolapios de Celanova]] e no Instituto de Ourense, recibindo clases de [[Juan Sieiro|Juan Sieiro González]]. Comezou o ciclo universitario en [[Universidade de Santiago de Compostela|Santiago de Compostela]], trasladándose logo para a [[Universidade de Salamanca]], onde os rematou. Alí iniciou o seu trato con [[Miguel de Unamuno]]. Pasou a [[Madrid]], á [[Universidade de Madrid|Universidade Central]], para efectuar a doutoramento, e estabelecendo contactos con [[Francisco Giner de los Ríos]].

Volveu de novo a Salamanca para especializarse en [[Filosofía|Filosofía Superior]], e desde alí trasladouse ás universidades europeas de [[KU Leuven|Leuven]], [[Universidade Libre de Bruxelas|Bruxelas]] e [[Universidad de París|París]] en 1899 - 1900, para ampliar estudos. Cando regresou a [[España]] intentou acceder a unha [[cátedra universitaria]], mais ante a imposibilidade de lograr algunha, decidiu preparar oposicións a [[Cátedra de ensino secundario|cátedra]] de [[bacharelato]], obtendo en [[1904]] a de [[Psicoloxía]], [[Lóxica]], [[Ética]] e Rudimentos de [[Dereito]] do instituto de [[Soria]], desde a cal se trasladou para o [[IES Otero Pedrayo de Ourense|Instituto de Ourense]].

 

En [[1909]], a [[Junta para Ampliación de Estudios e Investigaciones Científicas]] concedeulle unha [[bolsa de estudos]], que utilizou para trasladarse á [[Universidade de Leipzig]], onde foi discípulo de [[Wilhelm Wundt]], sob cuxa dirección preparou un traballo de psicoloxía experimental. Posteriormente trasladouse á [[Universidade de Jena]], onde foi discípulo de [[Rudolf Christoph Eucken]]. André mantería, posteriormente, relacións profesionais de amizade e profesionais con ambos filósofos alemáns.

Volveu a España a fins de [[1910]] para tentar de novo acceder a algunha cátedra universitaria. Porén a concesión dunha nova bolsa pola Junta de Ampliación de Estudios fixo que retornase novamente a Leipzig. Ao regresar para España, retomou o seu posto en Ourense en [[1912]], onde creou un [[laboratorio]] de psicoloxía experimental. Dous anos despois, pasou ao instituto de [[Toledo]]. Neses anos interesouse polos movementos galeguistas, pero nunca tivo unha militancia activa. En [[1918]] opositou para o instituto madrileño Cardenal Cisneros, logrando por fin residir en Madrid, que era o que desexaba desde había anos.

 

== Obra ==

Ao longo da súa vida Eloy Luís André publicou unha obra que se pode cualificar de extensa. As súas publicacións atenden a varias vertentes básicas: os manuais de ensino, as publicacións de psicoloxía, os problemas educativos e os libros de creación filosófica propia, destacando neste sentidos os seus ensaios sobre mentalidade colectiva, talvez influído polo interese de Wundt na psicoloxía dos pobos. Outra faceta de André levouno a escribir artigos de [[economía]], espallados en revistas e xornais.

 

=== Selección de publicacións ===

* ''El histrionismo español''. Barcelona. 1906.<ref>[http://biblioteca.galiciana.gal/gl/consulta/registro.do?id=466181 ''El histrionismo español''] en [[Galiciana]]. [[Biblioteca de Galicia]].</ref>

* ''Ética española, problemas de moral contemporánea''. Madrid. 1910.<ref>[http://biblioteca.galiciana.gal/gl/consulta/registro.do?id=392471 ''Ética española, problemas de moral contemporánea''] en Galiciana.</ref>

* ''La mentalidad alemána''. Madrid. 1914.<ref>[https://bvpb.mcu.es/es/consulta/registro.do?id=409159 ''La mentalidad alemana''] na Biblioteca Virtual del Patrimonio Bibliográfico.</ref>

* ''Ética española. Problemas de Moral contemporánea''. Madrid. 1910 (2ª ed. 1925).

* ''Programa de Psicología y Lógica''. Madrid. 1925.

* ''Deontología. Breviario de Moral Práctica''. Madrid. 1926.

* ''El espíritu nuevo en la educación española''. Madrid. 1926.<ref>[https://bvpb.mcu.es/es/consulta/registro.do?id=409108 ''El espíritu nuevo en la educación española''] na BVPB.</ref>

 

== Galería de imaxes ==

<gallery mode=packed heights="215px">

Ficheiro:Eloy Luis André ha fallecido el día 24 de mayo de 1935.png|Necrolóxica, maio de 1935.

</gallery>