Anticodón: Diferenzas entre revisións

O '''anticodón'''<ref>{{Cita libro|título=Dicionario de bioloxía galego-castelán-inglés.|autor= Coordinadores: Jaime Gómez Márquez, Ana Mª Viñas Díaz e Manuel González González. Redactores: David Villar Docampo e Luís Vale Ferreira. Revisores lingüísticos: Víctor Fresco e Mª Liliana Martínez Calvo.|ano= 2010|editorial= Xunta de Galicia|páxina=22| isbn= 978-84-453-4973-1| url=https://www.cirp.es/pub/docs/cite/dicionario_bioloxia.pdf}}</ref> é unha secuencia de tres nucleótidos ou triplete que se encontra no extremo do brazo anticodón dos [[ARNt]], e que exerce un importante papel na síntese de [[proteína]]s nos [[ribosoma]]s. A información utilizada directamente para a síntese de proteínas encóntrase nos [[codón]]s do [[ARNm]]. A sucesión de codóns do ARNm determina a secuencia de [[aminoácido]]s da proteína, xa que conforme o ARNm vai pasando polo ribosoma é descodificado. O encargado de traer os aminoácidos ao ribosoma é o ARNt, e o anticodón é fundamental para que se introduza en cada momento o aminoácido correcto que se debe enlazar na cadea proteica en crecemento. Durante a [[tradución (proteínas)|tradución de proteínas]] o anticodón únese ao codón.