Xaquín Lorenzo: Diferenzas entre revisións

Foi o primeiro fillo do escritor e caricaturista [[Tabarra|José Laurentino Lorenzo Álvarez]],<ref>Avogado de profesión pero que nunca exerceu como tal, recoñecido humorista colaborador de diversas publicacións, como ''Café con gotas'', de Santiago, ''Solidaridad'', ''La Lucha'' ou ''Madrid cómico''.</ref> ourensán, e de Joaquina Fernández Barcia, de Vigo. Cómpre lembra-la presenza e influencia do seu único irmán, [[Xurxo Lorenzo Fernández|Xurxo]], tres anos máis novo ca Xaquín, quen colaborou con el en numerosas ocasións ata morrer prematuramente o [[2 de abril]] de [[1934]], vítima dunha septicemia, con só 24 anos de idade. Ramón Otero Pedrayo dixo del que "''de ter vivido máis anos sería o mestre e o poeta da súa xeración''".