Gordiano III: Diferenzas entre revisións

A elección dun rexente era moi importante pra o inicio do seu reinado, e esa elección recaeu en [[Aquila Timesiteo]], que fora gobernador do imperio en diversas provincias, onde deu proba do seu carácter íntegro e notábel capacidade. A súa entrada no pazo deu coma primeira medida o afastamento de tódolos [[eunuco]]s que herdara do seu tío, moi propios das rexións orientais, pero nunca ben aceptados en Roma. Unha vez completada esta expulsión, Gordiano III tomou por esposa a filla do seu rexente, [[Sabinia Tranquilinia]], e nomeou o seu sogro prefecto do pretorio.

 

 

O emperador herdara conflitos contra os [[godo]]s, [[sármata]]s e [[Persia|persas]]. Pouco se sabe das súas expedicións na zona do [[Danubio]]. As crónicas falan dunha vitoria do emperador na [[Tracia]] e unha derrota contra os [[alano]]s, pero o certo é que esas rexións quedaron ceibes dos bárbaros, aínda que se supón que foi máis polo ouro entregado que pola vía das armas.