[[File:Jimmy Riazor Blues.jpg|thumb|Homenaxe a Jimmy no estadio de Riazor.]]
O [[30 de novembro]] de [[2014]] integrantes dos Riazor Blues protagonizaron unha batalla campal de 160 persoas contra os hinchas do [[Frente Atlético]], horas antes do enfrentamentoenfrontamento dos branquiazuis co [[Atlético de Madrid]]. Após varias investigacións, a policía concluíu que non se tratou dunha quedada preparada, polo que a hipótese da emboscada por parte dos seareiros atléticos é a posible causa do altercado. Do lado do Frente Atlético participaron membros ultras do Sporting de Xixón. O resultado foi un seguidor dos Riazor Blues asasinado, Francisco Javier Romero Taboada "Jimmy", pai de dous fillos. Ademais, houbo máis dunha ducia de feridos e 20 detidos.<ref>[http://deportes.elpais.com/deportes/2014/11/30/actualidad/1417339298_257196.html "Muere un ultra del Deportivo tras una pelea con radicales del Atlético"], artigo en ''El País'', 30 de novembro de 2014 {{es}}.</ref><ref>[http://www.lavozdegalicia.es/noticia/deportes/2014/11/30/jimmy-miembro-suaves-deja-hijo-huerfano-padre/00031417357268037945874.htm?utm_campaign=fbgen&idioma=galego "Jimmy, un membro dos Riazor Blues que deixa dous fillos orfos de pai"], artigo en ''La Voz de Galicia'', 30 de novembro de 2014.</ref>
Despois do asasinato de Jimmy, membros de Celtarras (seareiros radicais do Celta de Vigo) achegáronse ata A Coruña como mostra de solidaridade cos Riazor Blues e mesmo algúns deles chegaron a pernoctar nas casas de membros do grupo coruñés. Celtarras tamén participou asinando oficialmente o comunicado que, xunto á sinatura doutros grupos radicais de esquerda, condenaba o asasinato de Javier Romero Taboada.
