{{nihongo|'''Isao Takahata'''|高畑 勲|Takahata Isao}}, nado o [[29 de outubro]] de [[1935]] en Ujiyamada (hoxe [[Ise]]), [[prefectura de Mie]], ée finado o [[5 de abril]] de [[2018]], foi un director de cine, animador, guionista e produtor xaponés. Acadou o recoñecemento da crítica internacional polo seu traballo como director de cine de [[anime]]. Takahata é co-fundador de [[Studio Ghibli]] xunto co seu compañeiro [[Hayao Miyazaki]]. Dirixiu filmes con temática bélica como ''[[Hotaru no haka]]'', o drama romántico ''[[Omohide Poro Poro]]'', a aventura ecoloxista ''[[Heisei Tanuki Gassen Ponpoko]]'' e a comedia ''[[Hōhokekyo Tonari no Yamada-kun]]''. O filme ''Hotaru no haka'' está considerado polo crítico de cine [[Roger Ebert]] un dos mellores filmes de guerra feito xamais.<ref>{{Cita web | title = Grave of the Fireflies (1988) | author = Roger Ebert | url = http://rogerebert.suntimes.com/apps/pbcs.dll/article?AID=/20000319/REVIEWS08/3190301/1023 | publisher = rogerebert.com | date = March 19, 2000 | accessdate = 2006-12-26}}</ref> A diferenza da maioría dos directores de anime, Takahata non debuxou nin nunca traballou como animador antes de converterse en director.
Segundo Hayao Miyazaki, "Música e estudo son as súas afeccións". Naceu na mesma vila que o tamén director [[Kon Ichikawa]]. Takahata gradouse na [[Universidade de Toquio]] en literatura francesa en 1959.
