Todas as [[especie]]s exhiben unha longa [[Cola (zooloxía)|cola]] durante todas as fases da súa vida. A maioría son de tamaño pequeno e non adoitan superar os 30 cm de lonxitude, aínda que especies da [[familia (bioloxía)|familia]] dos [[criptobránquidos]], como a ''salamántiga xigante xaponsea'' (''[[Andrias japonicus]]'') poden sobrepasarsuperar un metro de longo. O [[corpo]] é alongado, e está provisto de dous pares de [[pata]]s curtas, de aproximadamente da mesma lonxitude, pero nalgúns casos están reducidas ou mesmo o par posterior está ausente. A [[cabeza]] está deprimida, co [[cranio]] ancho e plano, cos [[óso]]s parietais fusionados e provistos de dentes curvados, e diferenciada do [[tronco (anatomía)|tronco]], que ten é alongado. Presentan unha [[pelve|cintura pelviana]] na súa maior parte [[cartilaxe|cartilaxinosa]], carecendo dunha [[cintura escapular]] dérmica. A [[boca]] sempre vai provista de pequenos [[dente]]s curvados. As [[larva]]s son similares aos [[adulto]]s e posún dentes en ambas as [[mandíbula]]s. A diferenza dos [[anuro]]s, os urodelos non teñen [[oído medio]].<ref name="duellman">Duellman, W. E. & Trueb, L. (1994): [http://books.google.cl/books?id=CzxVvKmrtIgC&printsec=frontcover#v=onepage&q=&f=false ''Biology of Amphibians'']. Baltimore: Johns Hopkins University Press. ISBN 978-0-8018-4780-6.</ref>
