Amami Ōshima: Diferenzas entre revisións

'''Amami Ōshima''' (奄美大島, [[Lingua okinawana|Okinawano]]: ウーシマ Uushima; [[Lingua Amami Ōshima|Amami]]: ウシマ Ushima) é unha das [[Illas Satsunan]], e é a illa máis grande dentro do [[Illas Amami |arquipélago Amami]] entre [[Kyūshū]] e [[Okinawa]].

A illa ten 712´35  km², cunha poboación de aproximadamente 73.000 habitantes. Administrativamente divídese na cidade de [[Amami, Kagoshima | Amami]], as cidades de [[Tatsugō, Kagoshima|Tatsugō]], [[Setouchi, Kagoshima|Setouchi]], e as vilas de [[Uken, Kagoshima|Uken]] e [[Yamato, Kagoshima|Yamato]] na [[Prefectura de Kagoshima]]. Gran parte da illa atópase dentro das fronteiras do [[Amami Guntō Quasi-National Park]].

Amami Ōshima é a sétima illa máis grande do arquipélago xaponés (excluíndo as disputadas [[Illas Kuriles]]) logo das catro illas principais, a [[Illa de Okinawa]] e a [[Illa Sado]]. Atópase aproximadamente ao sur do extremo sur de Kyūshū e 250  km ao norte de [[Okinawa]]. A illa é de orixe volcánico, co monte Yuwanda a 605 m. sobre o nivel do mar no seu pico máis alto. A costa da illa está rodeada por un [[arrecife de coral]]. Está rodeado polo [[Mar da China Oriental]] ao oeste e o [[Océano Pacífico]] ao leste.

A illa menciónase na antiga crónica xaponesa ''[[Nihon Shoki]]'' nunha entrada do ano 657 AD. Durante o [[período de Nara]] e o inicios do [[período Heian]] era un lugar de paso para os enviados do Xapón á corte da [[dinastía Tang]] China. A [[Nácara | nácara]] foi un importante artigo de exportación a Xapón. Ata 1611, Amami Ōshima formaba parte do [[Reino de Ryukyu]]. A illa foi invadida por [[samurai]]s do [[clan Shimazu]] en 1609 e a súa incorporación ás posesións oficiais dese dominio foi recoñecida polo [[shogunato de Tokugawa]] en 1624. O goberno de Shimazu foi duro, cos habitantes da illa reducidos á servidume e obrigados a criar [[cana de azucre]] para pagar os altos impostos, o que a miúdo resultou en hambruna. [[Saigō Takamori]] foi exiliado a Amami Ōshima en 1859, permanecendo durante dous anos, a súa casa conservouse como un museo conmemorativo. Logo da [[Restauración Meiji]] Amami Ōshima incorporouse á [[provincia Ōsumi]] e máis tarde converteuse en parte da prefectura de Kagoshima. Logo de [[Segunda Guerra Mundial]], xunto coas outras illas Amami, foi ocupada polos Estados Unidos ata 1953, momento en que volveu ao control de Xapón.

En 2001 houbo una [[Batalla de Amami-Ōshima | batalla naval]] entre un arrastreiro norcoreano e barcos da Garda Costeira xaponesa preto da illa, na que se afundiu a nave norcoreana.

O porto de [[Naze, Kagoshima | Naze]], situado na cidade de Amami, é un importante centro rexional de envíos e transbordadores.

O [[Aeroporto Amami]], situado no extremo norte da illa, está conectado a Tokio, Osaka, [[Naha, Okinawa | Naha]], Fukuoka e Kagoshima, así como a voos locais a outras illas Amami.