Xacemento petrolífero: Diferenzas entre revisións

 

== Formación ==

O petróleo cru que se encontra en depósitos de petróleo fórmase na [[litosfera]] a partir de restos de organismos do pasado ([[fósil]]es), depositados en grandes cantidades en fondos [[Anoxia|anóxicos]] de mares ou zonas lacustres do [[Paleoxeografía|pasado xeolóxico]] que quedaron cubertos por capas de [[sedimento]]s de grande espesor. Millóns de anos de transformacións químicas debidas á calor e á presión durante a [[diaxénese]], cambiaron os restos de [[microorganismo]]s ([[Zooplancto|animais]] e [[Alga|vexetais]]) en petróleo e gas natural.

 

Os xacementos de petróleo chámanse ''primarios'' cando se encontran na mesma rocha na que se formaron, e ''secundarios'', cando se formaron nun sitio afastado e o petróleo foi fluíndo cara o lugar no que xace agora, movemento co que camban algunhas das súas propiedades.

 

O normal nun xacemento primario é encontrar a seguinte disposición: unha capa superior de [[arxila]], impermeábel; por debaixo dela, unha capa de [[area]]s impregnadas de [[gas natural]] ([[hidrocarburo|hidrocarburos gasosos]]); por debaixo desta, areas impregnadas de petróleo ([[hidrocarburo|hidrocarburos líquidos]]) e, por último, unha capa inferior de areas impregnadas de [[auga|auga salgada]]. Con esta disposición, o estrato impermeábel superior atrapa o petróleo no mesmo sitio onde se formou e non deixa que escape, só pode separarse segundo un gradiente de densidade da auga salgada que contiña (máis densa) e do chamado gas natural (grupo de hidrocarburos gasosos —[[metano]], fundamentalmente, pero tamén [[etano]], [[propano]] e [[butano]]— menos densos que o petróleo).

 

 

=== Rochas almacén ===

As rochas nas que se acumula o petróleo, ''rochas almacén'', son [[Porosidade|porosas]] e, por tanto, [[Permeabilidade|permeábeis]].

 

=== Trampas ===

{{Artigo principal|Trampa petrolífera}}

As trampas, última etapa dos procesos de formación de xacementos petrolíferos, foron clasificadas polos [[Xeoloxía do petróleo|xeólogos do petróleo]] en dous tipos: estruturais e estratigráficas. Unha acumulación de petróleo pode estar causada por un só tipo de trampa ou pola combinación de ambas s dúas.