Camuflaxe: Diferenzas entre revisións

[[Ficheiro:Flower flounder in Kona may 2010.jpg|miniatura|dereita|O ''[[Bothus mancus]]'' pode cambiar o patrón e as cores para camuflarse coa súa contorna.]]

[[Ficheiro:Maskowanie.JPEG|miniatura|dereita|Un soldado poñendo pintura de camuflaxe na cara.]]

A '''camuflaxe''' é o emprego de combinacións de materiais, cores ou iluminacións co obxectivo de agochar ou querer facer que obxectos e animais sexan difíciles de ver ([[cripse]]), ou aparentando ser algo diferente ([[mimetismo]]). Entre os exemplos máis destacados están a pelaxe de manchas do [[leopardo]], o equipamento dun [[soldado]] moderno e os insectos con formas da natureza, como follas e paus.<ref name=Forbes>Forbes, 2009. pp. 50–51 and passim.</ref> A maioría dos métodos de camuflaxe perseguen a cripse, moitas veces a través dunha semellanza xeral co fondo, unha [[cor disruptiva]] de alto contraste, eliminando a sombra, e a [[contracoloración]]. En océanos abertos, onde non hai fondo co que camuflarse, os principais métodos de camuflaxe son a transparencia e as cores prateadas, mentres que a [[bioluminescencia]] está entre as habilidades de contrailuminación de [[cefalópodos]] como os [[téutidos]]. Algúns animais, como os [[camaleón]]s e os [[octópodos|polbos]], son quen de cambiar activamente o patrón da súa pel e as cores, ben para camuflaxe ou sinalización.