Ronseltz: Diferenzas entre revisións

'''Ronseltz''' foi un grupo poético formado na [[A Coruña|Coruña]] entre [[1984]] e [[1985]] por [[Xoán Carlos Rodríguez|Xoán C. Rodríguez]], [[Manuel Cortés]], [[Miki Nervio|Miguel A. Montes]] ([[Miki Nervio]]), [[Serxio Iglesias]] e [[Xabier Cordal]]. O colectivo foi abandonando toda actividade nos inicios da década dos noventa. Pouco despois (1994) [[Edicións Positivas]] publicaría ''Unicornio de cenorias que cabalgas os sábados'', única obra do grupo. Reeditouse en 2014.

 

Nos inicios participaron tamén o artista plástico [[XAMS]], [[Roberto Salgueiro]] e [[Júrgio Valinhas]]. Ronseltz deuse a coñecer mediante recitais en varios puntos dentro e fóra de [[Galicia]] e publicou tres revistas co mesmo nome entre [[1985]] e [[1987]]. A súa posta en escena oscilaba entre o [[humor]] posmoderno e a provocación [[punk]]. Coa palabra como referente case único, Ronseltz utilizaba ocasionalmente, non sen [[ironía]], referencias á vangarda e medios propios da ''performance''.

 

Todos os membros do grupo continuaron en solitario actividades literarias, artísticas e musicais.

 

[[Categoría:Poesía]]