Río Millars: Diferenzas entre revisións

O '''río Millars''' (en [[lingua castelá|castelán]]: ''Mijares'') é un [[río]] da [[Península Ibérica]] que nace na [[Serra de Gúdar]] no termo municipal de [[El Castellar]] ([[provincia de Teruel|Teruel]]), da unión de diversos ríos a uns 1.600 m de altitude e que desemboca entre os termos de [[Almassora]] e [[Borriana]], na [[provincia de Castelló]], tras 156  km de percorrido.

Preto do seu nacemento está tamén o do seu principal afluente o [[Río Valbona|Valbona]] e o do tamén afluente [[Río Albentosa|Albentosa]]. Xa na [[Comunidade Valenciana]] os principais afluentes do Millars son: [[río Maimona|Maimona]], [[río Montán|Montán]], o [[barranco de Paus]], a [[rambla de la Viuda]] e o [[río Villahermosa]] en [[Vallat]].

O réxime do río é pluvial mediterráneo aínda que cun lixeiro matiz nival debido á altura á que nace. Iso provoca no curso baixo do río a existencia dun período de relativo caudal en febreiro e xuño, superados en outubro e notorios descensos en xaneiro e sobre todo agosto. O carácter mediterráneo do río provoca a existencia de monstruosas avenidas das cales as máis importantes foron a de [[1922]] cun máximo de 3000 m³/s e a de [[1957]] da que non se teñen estimacións debido a que destruíu os aforamentos.

Na súa [[desembocadura]] forma unha especie de [[albufera]] alargada duns 90 metros de anchura, que se fai máis angosta na liña da costa polo avance dun cordón litoral desde o norte que a pecha parcialmente (40 metros).