Estadi Ciutat de València: Diferenzas entre revisións

O '''Estadi Ciutat de València''' é un estadio de fútbol da cidade de [[Valencia]], no que xoga os seus partidos oficiais o [[Levante Unión Deportiva]]. Atópase situado na Rúa San Vicente de Paúl, 44, no barrio de [[Orriols]].

Foi inaugurado en [[1969]] baixo a presidencia de [[Antonio Román]] e cambiou de nome varias veces, antes do actual o seu nome era o de '''Nou Estadi'''. O [[Levante Unión Deportiva|Levante UD]] xogaba os seus partidos anteriormente no campo de Vallejo.

O campo ten unha capacidade de 25.354 espectadores. As dimensións do terreo de xogo son de 107 x 68 metros.

O [[Levante UD]] presentou ao ministro de Administracións Públicas, [[Jordi Sevilla]], un proxecto dun novo estadio de 40.000 espectadores, rodeado de auga, xunto á nova dársena da Copa do América. O Estado, que é a quen pertence o chan, non rexeita de entrada a idea e empraza ao club a desenvolver o plan para logo da Copa do América, "cando se constitúa a nova sociedade estatal" que xestionará o [[porto de Valencia]].

O novo estadio estará rodeado de mar por tres dos seus catro lados, cun aparcadoiro subterráneo para 3.000 coches e xunto á base do Desafío español. O proxecto está dirixido por Alejandro Escribano, o mesmo arquitecto do [[Nou Mestalla]]. Os terreos están ocupados actualmente polo grupo naval Boluda, que está disposto a trasladar os seus estaleiros ao porto de [[Sagunt]]. O club pretende unha permuta dos terreos, propiedade do Estado, para edificar o seu novo campo sen custo algún, contando así mesmo co visto e prace do Concello de Valencia.