Caso Dreyfus: Diferenzas entre revisións

O '''caso Dreyfus''' foi orixinado a raíz dun erro xudicial, sobre un contexto de [[espionaxe]] e [[antisemitismo]], no que a vítima foi o capitán e enxeñeiro politécnico [[Alfred Dreyfus]] (1859-1935), de orixe [[Xudeu|xudía]]-[[Alsacia|alsacianoalsacia]]no, e que durante doce anos, de 1894 a 1906, conmocionou a sociedade [[Francia|francesa]] da época, marcando un fito na historia do antisemitismo.

A revelación do escándalo en ''[[J'accuse]]'', un artigo de [[Émile Zola]] en [[1898]], provocou unha sucesión de [[Crise|crisescrise]]s políticas e sociais inéditas en Francia que, no momento do seu apoxeo en [[1899]], revelaron as fracturas profundas que subxacían na [[Terceira República Francesa]]. Dividiu os franceses en dous campos opostos, os ''dreyfusards'' (partidarios de Dreyfus) e os ''antidreyfusards'' (opositores a Dreyfus). Revelou tamén a existencia na sociedade francesa dun núcleo de violento [[nacionalismo]] e antisemitismo difundido por unha prensa sumamente influente. O caso converteuse en símbolo moderno e universal da iniquidade en nome da razón de [[Estado]].