=== Construción de cóntigos en cromosomas artificiais bacterianos ===
Os cóntigos de BACs constrúense aliñando rexións de BACs de solapamento coñecido por medio de diversos métodos. Unha estratexia común é usar un mapado do contido de [[STS]]s (''sequence-tagged sitesites'') para detectar sitios únicos no ADN que son comúns entre BACs. O grao de solapamento é estimado, grosso modo, polo número de marcadores STS que hai en común entre os dous clons, e se hai máis marcadores en común significa un maior solapamento.<ref name="textbook" /> Como esta estratexia proporciona só unha estimación pouco exacta do solapamento, adoita a utilizarse unha análise de fragmentos de [[dixestión de restrición]], que proporcionan unha medida máis precisa do solapamento dos clons.<ref name="textbook" /> Nesta estratexia, os clons son tratados cun ou dous [[encima de restrición|encimas de restrición]] e os fragmentos resultantes son separados por [[electroforese en xel]]. Se son dous clons, probablemente terán sitios de restrición en común, e compartirán varios fragmentos.<ref name="genome map" /> Como o número de fragmentos en común e a lonxitue destes fragmentos é coñecido (a lonxitude xúlgase por comparación cun tamaño estándar), o grao de solapamento pode deducirse cun alto grao de precisión.
