Club Deportivo Estradense: Diferenzas entre revisións

O equipo foi fundado en [[1925]] por Emilio Velasco García, comandante do Batallón de Reserva da Estrada e primeiro presidente do Club, e mais o empresario Jesús Durán Taboada. Pediron a colaboración do alcalde [[Benito Vigo Munilla]], mais non houbo respaldo por falta de orzamento. O equipo naceu con xogadores aficionadosafeccionados da vila e algún militar do destacamento local, coa idea de federar o club a curto prazo. Por entón non había un lugar para practicar fútbol, debido a que no antigo Campo da Pira se construíra a Praza de Abastos.

O primeiro partido xogouse en [[Caldas de Reis]] o 31 de maio de 1925 contra un equipo de Padrón, con vitoria do Estradense por 3-2. O uniforme foi camisa de cor vermella, e o primeiro equipo estaba formado por Pereira; Lueiro, Jesús; Emilio, Cándido, Xestoso; Rey, Carballeda, César, Campos e Pepucho. Xogáronse posteriormente varios encontros noutras localidades, con numerosa presenza de aficionadosafeccionados estradenses atraídos polas excursións organizadas en paralelo ós partidos.