Uniforme: Diferenzas entre revisións

A orixe do uniforme é militar, na antigüídade os exércitos distinguíanse pola roupa tradicional do pobo de cada banda, aínda así houbo casos de unidades militares que tiñan un alto grao de estandarización na súa apariencia, como o caso das [[lexión romana|lexións romanas]], pero coa caída do [[Imperio Romano]] desapareceron esas primeiras formas de uniforme. A [[Guerra dos Trinta Anos]] (1618-1648), unha guerra longa, que se desenvolveu en boa parte de Europa e que mobilizou unha gran cantidade de soldados destinados en unidades militares durante moito tempo, supuxo o comezo da adopción de signos distintivos, como é o caso do uniforme<ref>Roche, Daniel (1996) ''The Culture of Clothing: Dress and Fashion in the Ancien Régime'', Cambridge University Press, p. 222 </ref>, aínda así durante a guerra só unha pequena parte das unidades vestían uniforme fronte a 1660 cando xa era algo xeral en exércitos como o francés<ref> Thion, Stéphane (2008) ''French Armies of the Thirty Years' War'' LRT Editions, p. 117 </ref>, adoptando uniformes a maioría dos exércitos europeos entre 1650 e 1720<ref>Mansel, Philip (2005) ''Dressed to Rule: Royal and Court Costume from Louis XIV to Elizabeth II'' Yale University Press, p. 19</ref> aínda que as normas e directrices sobre os uniformes non sempre se cumprían, mesmo xa avanzado o século XVIII<ref>Roche, Daniel (1996) ''The Culture of Clothing: Dress and Fashion in the Ancien Régime'', Cambridge University Press, p. 228</ref>, Contribuiu a este desenvolvemento dos uniformes o establecemento de exércitos permanentes e o desenvolvemento da industria téxtil que se produciu entre mediados do século XVII e o XVIII. No século XVIII as cortes europeas, agás a francesa, adoptaron os uniformes, sendo costume ou obrigatorio levalo cando se acudía a ela, creándose uniformes civís para os diplomáticos e altos funcionarios<ref>Mansel, Philip (2005) ''Dressed to Rule: Royal and Court Costume from Louis XIV to Elizabeth II'' Yale University Press, p. 28</ref> e para o comezos do século XIX as cortes europeas adoptaron uniformes para os funcionarios ao seu servizo <ref>Mansel, Philip (2005) ''Dressed to Rule: Royal and Court Costume from Louis XIV to Elizabeth II'' Yale University Press, p. 98</ref> espallándose tamén para todos ou parte dos funcionarios públicos.