Comercio internacional: Diferenzas entre revisións

Defínese '''comercio internacional''' ou mundial, ao intercambio de bens, produtos e servizos entre dous ou máis países ou rexións económicas.

As exportacións consolídanse como a locomotora da economía galega. Malia diminuír un chico en 2012, en 2011 incrementou as súas exportacións un 15,7% a respecto do 2010, lixeiramente por riba da media estatal, o que converte a Galiza na comunidade autónoma española cun mellor saldo comercial (diferenza entre o que se vende e o que se compra fóra), un [[superávit]] de 3.502 millóns de euros, máis do dobre que o acadado un ano antes (2010).

A marca histórica acadouse en 2011, exportándose mercadorías por valor de 17.532 millóns de euros, unha marca que supera o máximo acadado en 2007 (16.699 millóns), antes de que a crise afectase a Galiza.

As diferentes teorías que explican o proceso de funcionamento do comercio internacional, tratan de atopar cales son as causas deste comercio, por que comercian os países e estudan os efectos do comercio internacional sobre a produción e o consumo dos países.<ref name=ice858> {{Cita publicación periódica | apelidos= González Blanco |nome= Raquel |ano= 2011 |título=Diferentes teorías del comercio internacional |url= http://www.revistasice.com/CachePDF/ICE_858_103-118__9F7A85DC90A777675E3E806341418974.pdf |serie= |publicación= Información Comercial Española, Revista de economía|número=858 |páxinas=103-117 |editorial= Secretaría de Estado de Comercio Exterior, Gobierno de España|data-publicación= |idioma=es}} </ref>

A teoría clásica do comercio internacional ten as súas raíces na obra de [[Adam Smith]], este pensaba que as mercadorías produciríanse no país onde o custo de produción (que no marco da súa teoría do valor-traballo se valora en traballo) fora máis baixo e dende alí exportaríanse ao resto de países. Defendía un comercio libre e sen trabas para acadar e dinamizar o proceso de crecemento, era partidario do comercio baseado na vantaxe absoluta e cría na mobilidade internacional dos factores produtivos. Segundo as súas teorías, a vantaxe absoluta téñena aqueles países que son quen de producir un ben utilizando menos factores produtivos ca outros, e polo tanto, cun custo de produción inferior.

O sustento básico das teorías antes expostas era a existencia de [[competencia perfecta]], que permitía, pola vía do [[libre comercio]], aumentar o benestar dos países. A finais dos [[anos 1970]] e principios da [[década de 1980]], xurdiron algúns economistas como [[Paul Krugman]], [[Avinash Dixit]], [[James Brander]] e [[Barbara J. Spencer]] que esbozaron unhas novas elaboracións teóricas fundadas na existencia de [[fallo de mercado|fallos de mercado]] que puñan en cuestión, non en todos os casos, a teoría clásica do comercio internacional de que os intercambios internacionais se fundamentan exclusivamente na teoría da vantaxe comparativa e que a defensa baixo calquera circunstancia do libre comercio e, da non intervención estatal nesta área económica puidese non ser a práctica óptima. En palabras de Krugman: ''a reconsideración da base analítica da política comercial é unha resposta ao cambio real ocorrido no ambiente e ao progreso intelectual logrado no eido da economía''.