Bonifacio VIII, papa: Diferenzas entre revisións

O enfrontamento iniciouse cando o rei francés, necesitado de recursos económicos pola guerra que mantiña con Inglaterra, pretendeu facer tributar ao clero francés. O Papa respondeu o 25 de febreiro de 1296 coa bula ''[[Clericis laicos]]'', pola que prohibía o cobro de taxas ao clero por parte dos poderes políticos sen o consentimento papal. Esta bula foi ignorada por Filipe, que contestou emitindo unha serie de edictos polos que se prohibía, tanto a laicos como a eclesiásticos, a exportación de produtos a Roma, obrigando a Bonifacio a firmar un acordo recoñecendo ao rei francés a potestade de fixar tributos ao clero en casos de extrema necesidade e sen contar cunha autorización previa do pontífice.

 

 

Filipe intentou obter o desaforo por parte do papa, pero Bonifacio, na bula ''[[Ausculta fili]]'' ("Escoita, fillo"), reprobou o rei francés por non ter en conta a bula ''Clericis laicos'' e por non obedecer ao bispo de Roma. En Francia a bula foi queimada, e en lugar da ''Ausculta Fili'' circulou inmediatamente unha bula falsificada (probablemente obra de [[Pierre de Flote]]). As súas cinco ou seis liñas altaneiras pensáronse para incluír unha coidadosa frase: ''Scire te volumnus quod in spiritualibus et temporalibus nobis subes'' ("queremos que saibas que es o noso súbdito tanto nos asuntos espirituais como nos temporais"). Amais, engadiuse que quen o negase era un herexe (o que era odioso para o neto de San Luís).