O '''Paraná''' é un estado [[Brasil|brasileirobrasil]]eiro que se sitúa na Rexión Sur do país. Limita ao nordeste co estado de São Paulo, ao leste co [[Océano Atlántico]], ao sur co estado de [[Santa Catarina, Brasil|Santa Catarina]], ao suroeste con [[Arxentina]], ao oeste con [[Paraguai]] e ao noroeste con [[Mato Groso do Sur]]. A súa capital é [[Curitiba]]. As súas cidades máis poboadas son Curitiba, [[Londrina]], [[Maringá]], [[Ponta Grossa]], [[Foz do Iguaçu]], [[Cascavel, Paraná|Cascavel]] e [[Guarapuava]].
== Xeografía ==
[[Ficheiro:ItaipuAerea2AAL.jpg|miniatura|esquerda|200px|Vista da presa hidroeléctrica de Itaipú, na fronteira do [[Brasil]] co [[Paraguai]].]]
O estado de Paraná ocupa unha superficie de 199.880 km², estendéndose dende as costas do litoral ata o interior do país, localizándose a 51º00'00" de [[lonxitude]] Oeste e a 24º00'00" de [[latitude]] Sur e no [[fuso horario]] de -3 horas en relación a [[Meridiano de Greenwich|Greenwich]]. Tres cuartos do territorio atópanse por baixo do [[Trópico de Capricornio]]. É bañado polo [[Océano Atlántico]].
