National Audubon Society: Diferenzas entre revisións

En 1934, cando o número de membros da sociedade baixara a 3.500, e coa nación sufrindo a [[Gran Depresión]], John H. Baker converteuse no presidente da National Audubon Society. Baker, que fora aviador na [[Primeira Guerra Mundial]] e un afervoado amante das aves, era tamén un home de negocios que empezou a darlle novo vigor á sociedade e reforzou os seus orzamentos por medio da publicación de libros. A innovación de Baker era empezar a publicar descricións en formato libro e [[guía de campo|guías de campo]] ilustradas sobre aves e mamíferos. Rapidamente, en asociación co editor de Nova York [[Alfred A. Knopf]], as ''Guías de campo Audubon'' convertéronse en imprescindibles en calquera biblioteca ambientalista e artistica. Hoxe, moitas guías de campo de Audubon foron adaptadas como aplicacións apps para teléfonos móbiles.<ref>[http://www.audubonguides.com/field-guides/mobile-apps.html Audubon mobile apps]</ref> Esta serie de guías de campo abranguen unha ampla gama de tópicos relacionados coa natureza, incluíndo [[rocha]]s e [[mineral|minerais]], [[planta]]s silvestres, o firmamento nocturno e moitos animais.<ref name="marketplace.audubon.org">http://marketplace.audubon.org/products/national-audubon-society-field-guides</ref> Esta serie vendeu uns 18 millóns de exemplares <ref name="marketplace.audubon.org"/> e utiliza hoxe [[fotografía]]s en troques das pinturas encargadas ou outros debuxos que utilizan outras guías.

 

 

Durante o período psterior á [[Segunda GuerraMundial]], A National Audubon Society gastou as súas enerxía en loitar contra o pesticida [[DDT]]. Xa na década de 1960 a sociedade fixo circular borradores de leis para establecer axencias de control de pesticidas a nivel estatal. En 1962 a publicación do libro ''[[Silent Spring]]'' polo membro de Audubon [[Rachel Carson]] deulle á campaña contra os "pesticidas persistentes" un enorme eco nacional. Despois da súa morte en 1964, a National Audubon Society creou un fondo dedicado expresamente a varios preitos legais na súa guerra contra o DDT.