Medina Sidonia: Diferenzas entre revisións

A montaña sobre a que se sitúa chámase Cerro del Castillo, a cal constitúe a maior elevación de todo o terzo occidental da [[Provincia de Cádiz|provincia]], desde as últimas estribacións da [[Serra de Cádiz]] ata a liña costeira atlántica, o que lle permite ser divisada desde unha parte importante da provincia, ofrecendo, á vez, a extraordinaria panorámica da superficie provincial. A cidade oriéntase cara á [[Baía de Cádiz]], motivo polo cal coñécella como o ''Balcón da Baía''.

Posteriormente ten lugar a chegada de colonos [[fenicios]] procedentes de [[Sidón]], os cales fundarán unha cidade (co mesmo nome que o da súa cidade de procedencia) sobre a base da ocupación indíxena anterior.

No [[século -III|século III a.C.]] os romanos ocuparán todo o territorio peninsular que anteriormente estaba en mans dos [[Cartago|cartagineses]]. En torno ao [[século I]] construirase un novo núcleo urbano que ocupará todo o espazo do que hoxe é o Conxunto Histórico. Por concesión de [[César Augusto]], a cidade promociona o seu anterior status municipal e convértese en colonia con dereito romano (''civitas optimo jure''). Era coñecida polo nome de ''Asido'', ''Caesarina'', ou de forma completa como [[Asido Caesarina Augusta]]. Estaba situada na [[Baetica|Provincia Ulterior Bética]], pertencendo ao convento xurídico ''Hispalensis'' (con capital en [[Hispalis]]).

Na Hispania visigoda foi capital de provincia e tamén sede episcopal da [[Igrexa Católica]], entón coñecida como [[Asidona]], sufragánea da [[Arquidiocese de Sevilla]] que comprendía a antiga provincia romana de [[Bética]] na [[diocese de Hispania]].

No ano 712 a cidade é conquistada polo militar [[musulmán]] [[Musa ibn Nusayr|Musa]], converténdose así nun dos primerios territorios ocupados durante a invasión musulmá da [[Península Ibérica]]. Foi capital da [[Cora (división territorial)|cora]] musulmá denominada [[Cora de Sidonia]] (tamén coñecida como ''de Saduna''). [[Afonso X o Sabio]] reconquistou a cidade o [[22 de setembro]] de [[1264]], pasando a ocupar a liña fronteiriza contra o [[Reino de Granada|Reino nazarí de Granada]], motivo polo cal aparece nalgún documento medieval coa denominación "de la Frontera".

En tempos da [[Reconquista]] foi sede de varias ordes militares. Entre elas destacan a [[Orde de Santiago]] e a [[Orde de Santa María de España|Orde de Santa María]].

A economía asidonense estivo formada durante un longo período pola agricultura e a gandería. Aínda que esta rama aínda perdura en menor grao, a maioría de xornaleiros abandonaron o traballo no campo e pasáronse á construción, sector que hoxe prolifera por todas as zonas turísticas. Desde finais do [[século XX]], Medina-Sidonia empeza a vivir fundamentalmente do [[turismo]] e da súa industria de doces, da que exporta a toda a provincia.

O crecemento do turismo na poboación asidonense é froito da combinación de varios factores. A cidade atópase situada no centro xeográfico da [[provincia de Cádiz]], un lugar estratéxico que lle permite acceder facilmente á costa, o campo ou a serra. Son dous os parques naturais que se atopan a poucos minutos do municipio: o [[Parque Natural da Baía de Cádiz]] e o [[Parque Natural dos Alcornocales]].