Braquiópodos: Diferenzas entre revisións

Apareceren no rexistro fósil desde o [[cámbrico]] inferior.<ref>{{Cita publicación periódica| autor= Ushatinskaya, G. T. | ano=2008 | título= Origin and dispersal of the earliest brachiopods | revista= Paleontological Journal | volume=42 | número=8 | páxinas=776–791 |doi=10.1134/S0031030108080029}}.</ref>

 

 

== Características ==

Os braquiópodos presentan as seguintes características anatómicas:

* O [[sistema nervioso]] non está moi ben desenvolvido. Algúns semellan telo no interior da [[epiderme]] e outros baixo ela. Consta dun anel nervioso periesofáxico conectado ao [[ganglio]] subesofáxico, do que saen [[nervio]]s cara ao manto, e co supraesofáxico, do que saen os nervios que percorren os lofóforos.

* O [[sistema circulatorio]] posúe dous líquidos que interveñen na circulación: o [[sangue]] e o líquido do celoma. O sangue contén [[hemeritrina]] que é un [[pigmento]] respiratorio que axuda a recoller e liberar [[Osíxeno (elemento)|osíxeno]]. O líquido do celoma circula grazas a acción duns cilios e flaxelos situados no [[peritoneo]]. Existe unha vesícula pulsátil que latexa lentamente e que está no vaso medio dorsal. Este vaso se divide en ramas que chegan ata cada tentáculo.

* O [[aparato dixestivo]] é máis ben sinxelo, comezando na boca á que chegan as partículas de alimento englobadas nun [[mucus]]. O alimento continúa polo [[esófago]] e mediante movementos peristálticos chega ao [[estómago]], que ten sobre a súa parede un [[fígado]]. A continuación hai un [[intestino delgado]] que remata nun [[cego]] ou as veces nun [[Ano (anatomía)|ano]].

* O [[Excreción|aparato excretor]] formado por [[nefridio]]s do tipo metanefridio, que fan tamén o papel de [[gonoduto]]s . Os nefrostosmas están suxeitos ao tubo dixestivo e a parte tubular do nefridio remata nun [[nefridióporo]].

* Teñen [[músculo]]s [[Músculo adutor|adutores]] que están unidos a ambas cunchas e que serven para pechalas. Para abrir a cuncha interveñen os músculos [[Músculo abdutor|abdutores]]. Tamén existe uns músculos pedunculares (dorsal e ventral) que serven para inclinar a cuncha respecto do pedúnculo.