Escola Naval Militar de Marín: Diferenzas entre revisións

O seu recinto ten unha superficie 241.000 m², sen contar a [[illa de Tambo]] que pertence a ela. O [[río Lameira]] circula soterrado por parte do recinto e desemboca no peirao da escola. O seu actual comandante director é José Luis Urcelay. As instalacións da Escola emprégaas non só a Armada Española, senón tamén patrulleiras tanto do servizo marítimo da [[Garda Civil]], como do [[Servizo de Vixilancia Alfandegueira]] e remolcadores de [[Salvamento Marítimo]].

A [[carreira militar]] é cursada de maneira bastante similar ás [[licenciatura]]s e [[diplomatura]]s universitarias. En cinco cursos para a [[Escala Superior de Oficiais]] e tres para a [[Escala de Oficiais]]. Cursando nela aspirantes de todas as armas da Armada ([[Infantería de Mariña]], Enxeñeiros, Intendencia...)

O alumno é aspirante durante os dous primeiros anos, [[Gardamariña]] durante o terceiro e o cuarto e [[Alférez de Fragata Alumno]] ou [[Alférez Alumno]] (se é [[Infantería de Mariña|Infante]]) durante o quinto.

Un dos días máis importantes na Escola Naval é o [[16 de xullo]], día da patroa da [[Armada Española|Armada]] e das xentes do mar, a [[Virxe do Carme]], e tamén festa local en [[Marín]]. Ese día celébrase a entrega de reais despachos ós alumnos que finalizan os estudos, e as novas promocións [[Xura de Bandeira|xuran bandeira]]. Adoitan asistir ao acto os reis de España ou os príncipes, así como altos representantes do goberno estatal, autonómico e local. Con motivo destes actos o [[buque escola Juan Sebastián Elcano]] atraca no peirao da Escola Naval e navíos de guerra fondean na [[ría de Pontevedra|ría]]. Á noite realízase un baile de gala en honor dos alumnos.