Trazo: Diferenzas entre revisións

'''Trazo''' é un concello da [[provincia da Coruña]], pertencente á [[comarca de Ordes]].

As terras do actual municipio de Trazo pertenceron á xurisdición de Montaos. Esta xurisdición existía polo menos desde o século XII e figura por primeira vez nunha doazón de [[Afonso VII de Castela|Afonso VII]] á [[Arquidiocese de Santiago de Compostela|mitra compostelá]] datado 31 de maio de 1124. Nela establécense os límites desde [[Ponte Sigüeiro]] ao [[monte Xalo]], incluíndo practicamente todas as parroquias do concello. Os Bermúdez de Montaos, descendentes ou sucesores dos poderosos condes de Traba, exerceron este señorío, tendo como lugares principais [[Santa Cruz de Montaos, Ordes|Montaos]] (Ordes) e [[Lestrobe, Benza, Trazo|Lestrobe]], na parroquia de [[Benza, Trazo|Benza]]. Neste lugar posuían unha impresionante fortaleza, pero o abandono e o tempo acabaron con ela.