Imaxe: Diferenzas entre revisións

Unha '''imaxe''' (do [[latín]] ''imago'') é unha representación [[vista|visual]], que manifesta a [[aparencia]] visual dun obxecto real ou imaxinario. Aínda que o término adoita entenderse como sinónimo de representación visual, tamén se aplica como extensión para outros tipos de [[percepción]], como [[imaxe auditiva|imaxes auditivas]], olfativas, táctiles, sinestésicas etcétera. As imaxes que a persoa non percibe senón que vive interiormente son denominadas '''[[Imaxe mental|imaxes mentais]]''', mentres que se designan como imaxes creadas (ou ben como imaxes reproducidas, segundo o caso) as que representan visualmente un obxecto mediante técnicas diferentes: [[debuxo]], [[deseño]], [[pintura]], [[fotografía]] ou [[vídeo]], entre outras.